കേന്ദ്ര ആഭ്യന്തര മന്ത്രി അമിത്​ ഷായുടെ കോവിഡ്​ പരിശോധന ഫലം നെഗറ്റീവായെന്ന് റിപോർട്ടുകൾ. ഗുരുഗ്രാമിലെ മെദാന്ത ആശുപത്രിയിലാണ്​ കോവിഡ്​ സ്ഥിരീകരിച്ചതിനെ തുടർന്ന് അദ്ദേഹം​ ചികിൽസയിലുള്ളത്​.

ബി.ജെ.പി നേതാവ്​ മനോജ്​ തിവാരിയാണ്​ അദ്ദേഹത്തിന്റെ പരിശോധന ഫലം നെഗറ്റീവായ വിവരം അറിയിച്ചത്​. കഴിഞ്ഞ ഞായറാഴ്​ച വൈകീ​ട്ടോടെയാണ്​ അമിത്​ ഷായെ കോവിഡ്​ സ്ഥിരീകരിച്ചതിനെ തുടർന്ന്​ ആശുപത്രിയിൽ പ്രവേശിപ്പിച്ചത്​.

ഇതിനെത്തുടർന്ന്​ ട്വിറ്ററിലൂടെ ഷാ തന്നെ ഇക്കാര്യം ഔദ്യോഗികമായി അറിയിച്ചു. താനുമായി ബന്ധപ്പെട്ടവർ ക്വാറൻറീനിൽ പോകണമെന്നും അദ്ദേഹം അഭ്യർഥിച്ചിരുന്നു. പ്രമേഹം പോലുള്ള രോഗങ്ങളുള്ള അമിത്​ ഷാ ഗുരുഗ്രാമിലെ സ്വകാര്യ ആശുപത്രിയിലാണ്​ ചികിൽസ തേടിയത്​.