8.5 കോടി കര്ഷകരുടെ ബാങ്ക് അക്കൗണ്ടുകളിലേക്ക് 17,100 കോടി രൂപ എത്തിച്ചു; കര്ഷകര്ക്ക് പ്രതിവര്ഷം 6000 രൂപ നേരിട്ട് സഹായം നല്കുമെന്ന ലക്ഷ്യം യാഥാര്ഥ്യത്തിലേക്ക്; പ്രധാനമന്ത്രി നരേന്ദ്രമോദി പദ്ധതി ഉദ്ഘാടനം ചെയ്തു.
രാജ്യത്തെ കാര്ഷികാവശ്യങ്ങള് നേരിടാന് ഒരു ലക്ഷം കോടി രൂപയുടെ പദ്ധതി ആവിഷ്കരിച്ചതായി പ്രധാനമന്ത്രി നരേന്ദ്രമോദിയുടെ പ്രഖ്യാപിച്ചു. പ്രധാനമന്ത്രി പിഎംകിസാന് പദ്ധതിയുടെ ഭാഗമായി രാജ്യത്തെ 8.5 കോടി കര്ഷകരുടെ ബാങ്ക് അക്കൗണ്ടുകളിലേക്ക് 17,100 കോടി രൂപ കൈമാറി. കര്ഷകര്ക്ക് പ്രതിവര്ഷം 6000 രൂപ നേരിട്ട് സഹായം നല്കുകയെന്ന ലക്ഷ്യത്തോടെ 2018ല് ആരംഭിച്ച പദ്ധതിയാണിത്.
വിളവെടുപ്പാനന്തര കാര്ഷികാവശ്യങ്ങള്ക്ക് ഊന്നല് നല്കുന്നതാണ് പുതിയ പദ്ധതി. കാര്ഷികോല്പന്നങ്ങളുടെ സംസ്കരണം, വിപണനം തുടങ്ങിയവ പരിപോഷിപ്പിക്കുകയാണ് ലക്ഷ്യം. കാര്ഷികരംഗത്തെ സംരംഭകര്, സ്റ്റാര്ട്ട് അപ്പുകള്, അഗ്രിടെക് മേഖലയിലുള്ളവര്, കര്ഷക കൂട്ടായ്മകള് എന്നിവയെല്ലാം ഈ പദ്ധതിയുടെ ഗുണഭോക്തൃ പട്ടികയില് ഉള്പ്പെടും. ഇതുവരെ 9.9 കോടിയിലധികം കര്ഷകര്ക്ക് 75,000 കോടിയിലധികം രൂപയുടെ നേരിട്ടുള്ള സഹായം നല്കിയതായി കേന്ദ്രം അവകാശപ്പെട്ടു. 'പിഎംകിസാന് നിധിയുടെ 17,000 കോടി രൂപ ഒരൊറ്റ കംപ്യൂട്ടര് ക്ലിക്കിലൂടെ 8.5 കോടി കര്ഷകരുടെ ബാങ്ക് അക്കൗണ്ടുകളില് നേരിട്ട് നിക്ഷേപിച്ചു. ഇടനിലക്കാരോ കമ്മിഷനോ ഇല്ല, ഞാന് തികച്ചും സംതൃപ്തനാണ്' പ്രധാനമന്ത്രി നരേന്ദ്ര മോദി പറഞ്ഞു.
ഒരു ലക്ഷം കോടിയുടെ മൂലധനമുള്ള അഗ്രികള്ച്ചര് ഇന്ഫ്രാസ്ട്രക്ചര് ഫണ്ട് എന്ന പദ്ധതിക്കും വിഡിയോ കോണ്ഫറന്സിങ്ങിലൂടെ മോദി തുടക്കമിട്ടു. കാര്ഷിക വിഭവങ്ങളുടെ വിളവെടുപ്പിനു ശേഷം കര്ഷകര്ക്ക് വേണ്ടിവരുന്ന കോള്ഡ് സ്റ്റോറേജ്, കലക്ഷന് സെന്ററുകള്, പ്രോസസിങ് യൂണിറ്റുകള്, മറ്റ് വികസന പ്രവര്ത്തനങ്ങള്, കമ്യൂണിറ്റി കൃഷി മുതലായവ തുടങ്ങുന്നതിലേക്കാണ് ഫണ്ട് ലക്ഷ്യമിടുന്നത്. ഇവ കര്ഷകര്ക്ക് അവരുടെ ഉല്പന്നങ്ങള്ക്ക് കൂടുതല് മൂല്യം നേടാന് സഹായിക്കുമെന്നാണ് കേന്ദ്രത്തിന്റെ വിശ്വാസം.
https://www.facebook.com/Malayalivartha