മനോജ് തിവാരിക്ക് തെറ്റി; അമിത് ഷാ കോവിഡ് മുക്തനായിട്ടില്ല
കേന്ദ്ര ആഭ്യന്തരമന്ത്രി അമിത് ഷാ കോവിഡ് 19 മുക്തനായെന്ന വാര്ത്തകള് തള്ളി ആഭ്യന്തര മന്ത്രാലയവും ആശുപത്രിയും രംഗത്ത്. രാവിലെ ബിജെപി എംപി മനോജ് തിവാരിയാണ് ഷാ കോവിഡ് രോഗത്തില് നിന്നും മുക്തനായി എന്ന് ട്വിറ്ററിലൂടെ അറിയിച്ചത്.
എന്നാല് ട്വീറ്റ് തെറ്റാണെന്ന് ആശുപത്രിയും ആഭ്യന്തര മന്ത്രാലയവും ഇറക്കിയ വിശദീകരണത്തില് വ്യക്തമായി. രോഗം സ്ഥിരീകരിച്ച ശേഷം അമിത് ഷായ്ക്ക് കോവിഡ് പരിശോധന നടത്തിയിട്ടില്ലെന്നും അദ്ദേഹം ചികിത്സയില് തുടരുകയാണെന്നും ആശുപത്രി വ്യക്തമാക്കി. ആഭ്യന്തര മന്ത്രാലയ വൃത്തങ്ങളും ഇക്കാര്യം സ്ഥിരീകരിച്ചതോടെ ഷാ രോഗമുക്തനായെന്ന ട്വീറ്റ് പാര്ട്ടി എംപി പിന്വലിച്ചു.
ഓഗസ്റ്റ് രണ്ടിനാണ് അമിത് ഷായ്ക്ക് കോവിഡ് സ്ഥിരീകരിച്ചത്. ഗുരുഗ്രാമിലെ മേദാന്ത ആശുപത്രിയിലാണ് അദ്ദേഹം ചികിത്സയിലുള്ളത്. രോഗം സ്ഥിരീകരിച്ചതിന് പിന്നാലെ താനുമായി സമ്ബര്ക്കമുണ്ടായവര് ക്വാറന്ൈറയിനില് പോകണമെന്ന് അദ്ദേഹം നിര്ദ്ദേശിച്ചിരുന്നു.
https://www.facebook.com/Malayalivartha