പിതാവിന്റെ കൂർക്കം വലി അസഹനീയം; ഒടുവിൽ മകൻ പിതാവിനെ കൊന്നു; ദാരുണ സംഭവത്തിൽ വിറങ്ങലിച്ച് നാട്
ഉത്തര്പ്രദേശിൽ കൂർക്കം വലിയെ തുടർന്ന് മകനും പിതാവും തമ്മിലുള്ള തർക്കം കലാശിച്ചത് കൊലപാതകത്തിൽ. ഉത്തര്പ്രദേശിലെ പിലിബിത്ത് ജില്ലയിലാണ് ഈ ദാരുണ കൊലപാതകം അരങ്ങേറിയത് . പിതാവിന്റെ കൂര്ക്കം വലിയ ചൊല്ലി തര്ക്കം തുടങ്ങി അത് കൊലപതകത്തിൽ ചെന്ന് കലാശിക്കുകയിരുന്നു. പിലിബിത്തിലെ സൗദ ഗ്രാമത്തിലാണ് സംഭവം നടന്നത്. അറുപത്തിയഞ്ചുകാരനായ രാംസ്വരൂപാണ് മകന്റെ തല്ലുകൊണ്ട് മരിച്ചത്. ഭാര്യയ്ക്കും ആണ് മക്കളായ നവീന്, മുകേഷ് എന്നിവര്ക്കൊപ്പമായിരുന്നു രാംസ്വരൂപ് കഴിഞ്ഞിരുന്നത്. ഭാര്യയും ഇളയ മകന് മുകേഷും ബന്ധുവീട്ടില് പോയ സമയത്തായിരുന്നു സംഭവം നടക്കുന്നത്. ഇതിനു മുമ്ബും പിതാവുമായി മൂത്ത മകന് നവീന് തര്ക്കിച്ചിരുന്നതായാണ് റിപ്പോര്ട്ട്.
അച്ഛന് ഉറക്കത്തില് കൂര്ക്കം വലിക്കുമായിരുന്നു . ഇതിനെ കുറിച്ചുള്ള സംസാരമാണ് രൂക്ഷമായ തര്ക്കത്തിലേക്കും കൊലപാതകത്തിലേക്കും എത്തിയത് വാക് തര്ക്കം അതിര് വിട്ടപ്പോൾ മകന് വടിയെടുത്ത് അച്ഛനെ പൊതിരെ തല്ലുകയും ചെയ്തു . തല്ലുകൊണ്ട് അവശനായ പിതാവ് ബോധരഹിതനായി. പിന്നീട് ഇദ്ദേഹം മരിക്കുകയായിരുന്നു . സംഭവത്തില് പൊലീസ് കൊലപാതകത്തിന് കേസ് രജിസ്റ്റര് ചെയ്തു കഴിഞ്ഞു . മൃതദേഹം പോസ്റ്റുമോര്ട്ടത്തിന് അയച്ചിരിക്കുന്നു.
https://www.facebook.com/Malayalivartha