രാജ്യം ഇന്ന് 74-ാം സ്വാതന്ത്ര്യദിനം ആഘോഷിക്കാനുള്ള തയ്യാറെടുപ്പില്‍.... കോവിഡ് വ്യാപനം രൂക്ഷമായ സാഹചര്യത്തില്‍ ആഘോഷങ്ങള്‍ സംഘടിപ്പിക്കുക കര്‍ശന നിയന്ത്രണങ്ങളോടെ... സ്‌കൂള്‍ കുട്ടികള്‍ക്കു പകരം എന്‍സിസി കേഡറ്റുകളാകും ഇത്തവണ പരേഡിനെത്തുക, ചെങ്കോട്ടയുടെ ലാഹോറി ഗേറ്റില്‍ ആറട് അകലം പാലിച്ചാണ് കസേരകള്‍ നിരത്തിയിരിക്കുന്നത്, നൂറില്‍ താഴെ പേര്‍ക്കുള്ള കസേര മാത്രമേ പ്രധാന വേദിയില്‍ ഉണ്ടാകു, സ്വാതന്ത്ര്യദിനാഘോഷത്തിന്റെ ഭാഗമായി അതീവ ജാഗ്രതയില്‍ തലസ്ഥാനം.

സ്വാതന്ത്ര്യ ദിനാഘോഷത്തിന്റെ ഡ്രസ് റിഹേഴ്‌സല്‍ സേനകള്‍ ഇന്നലെ പൂര്‍ത്തിയാക്കിയിരുന്നു. ചടങ്ങ് കാണാന്‍ എതിര്‍വശത്ത് അഞ്ഞൂറിലധികം പേര്‍ക്ക് സൗകര്യം ഒരുക്കിയിരിക്കുന്നു. പ്രധാനമന്ത്രി നരേന്ദ്രമോദി നടത്തുന്ന പ്രസംഗത്തില്‍ കോവിഡ് പോരാളികള്‍ക്ക് ആദരവ് അറിയിക്കും. ശേഷം കോവിഡ് പ്രതിരോധത്തില്‍ ഇതുവരെ സ്വീകരിച്ച നടപടി വിശദീകരിക്കും.. ആരോഗ്യരംഗത്ത് ചില പ്രഖ്യാപനങ്ങള്‍ക്കൊപ്പം ജമ്മു കശ്മീരിന്റെ വികസനത്തിനുള്ള തീരുമാനങ്ങളും പ്രസംഗത്തില്‍ പ്രഖ്യാപിക്കാനാണ് സാധ്യത. ശ്രീനഗറിന്റെ സമഗ്രവികസനത്തിനാണ് രൂപരേഖ തയ്യാറാക്കിയിരിക്കുന്നത് അയോധ്യയും പരാമര്‍ശിച്ചേക്കും. രാഷ്ട്രപതി വൈകിട്ട് നല്കുന്ന വിരുന്നിലും അതിഥികളുടെ എണ്ണം കുറച്ചിട്ടുണ്ട്.