ഇന്ത്യയിൽ കോവിഡ്​ ബാധിതരുടെ എണ്ണം 25 ലക്ഷം കടന്നതായി റിപ്പോർട്ടുകൾ. 24 മണിക്കൂറിനുള്ളിൽ 996 പേർ മരിക്കുകയും 65,002 പേർക്ക്​ കോവിഡ്​ സ്ഥിരീകരിക്കുകയും ചെയ്​തു. ഇതോടെ രാജ്യത്ത്​ ആകെ കോവിഡ്​ സ്ഥിരീകരിച്ചവരുടെ എണ്ണം 25,26,193 ആയി.

6,68,220 പേരാണ്​ നിലവിൽ ചികിത്സയിലുള്ളത്​. 18,08,937 പേർ രോഗമുക്തി നേടി. 49,036 പേർ മരണത്തിന്​ കീഴടങ്ങിയതായും കേന്ദ്ര ആരോഗ്യ കുടുംബക്ഷേമ മന്ത്രാലയം വ്യക്തമാക്കി.

എട്ട്​ ദിവസം മുമ്പാണ്​ രാജ്യത്ത്​ കോവിഡ്​ രോഗികളുടെ എണ്ണം 20 ലക്ഷം കടന്നത്​. ദിവസേനയുള്ള കോവിഡ്​ രോഗികളുടെ എണ്ണം കഴിഞ്ഞ മൂന്ന്​ ദിവസം തുടർച്ചയായി 65,000 പിന്നിടുകയാണ്​. മഹാരാഷ്​ട്രയാണ്​ രാജ്യത്തെ കോവിഡ്​ രോഗികളുടെ എണ്ണത്തിൽ മുൻപന്തിയിൽ. തൊട്ടുപിന്നിൽ തമിഴ്​നാടും ആന്ധ്രപ്രദേശുമുണ്ട്​.