ഡല്ഹിയില് പോലീസ് സ്റ്റേഷനുകളില് മൊബൈലിന് നിരോധനം
രാജ്യത്തിന്റെ തലസ്ഥാനത്തുള്ള പോലീസ് സ്റ്റേഷനുകളിലൊന്നും ഇനി മൊബൈല് ഫോണ് ഉപയോഗിക്കാന് പാടില്ല. സ്റ്റേഷനുകളില് ഫോണ് ഉപയോഗിക്കുന്നതിനും പേനകളോ ഡയറികളോ കൊണ്ടു പോവുന്നതിനുമാണ് ഡല്ഹി പോലീസ് നിരോധനം ഏര്പ്പെടുത്തിയിരിക്കുന്നത്.
പോലീസുകാരുടെ പ്രവര്ത്തനം ആരും ഫോണില് പകര്ത്താതിരിക്കാന് കൂടിയാണ് നടപടി. കൈക്കൂലി ചോദിക്കുന്നതോ കൊടുക്കുന്നതോ റൊക്കോര്ഡ് ചെയ്ത് പോലീസുകാരെ അറിയിക്കാന് പരസ്യം ചെയ്ത ഭരണകേന്ദ്രങ്ങള് തന്നെ ഇത്തരമൊരു നിരോധനം ഏര്പ്പെടുത്തിയത് വിരോധാഭാസമായി. പരസ്യം പുറത്ത് വന്ന ഉടന് തന്നെ ജനങ്ങള് ഒട്ടേറെ സ്റ്റിങ് ഓപ്പറേഷനുകള് നടത്തി വാട്സ് ആപ്പില് തുടങ്ങിയ ഹെല്പ്പ് ലൈന് നമ്പറിലേക്ക് വീഡിയോ സമര്പ്പിച്ചിരുന്നു. ഇതില് പോലീസുകാര് കൈക്കൂലി ആവശ്യപ്പെടുന്ന ദൃശ്യങ്ങളും ഉണ്ടായിരുന്നു.
അപകടം മണത്ത പോലീസ് വകുപ്പ് ഇത്തരം സംഭവങ്ങള് ആവര്ത്തിക്കാതിരിക്കാന് കൈക്കൊണ്ട നടപടിയാണോ നിരോധനം എന്ന് സംശയിക്കപ്പെടുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
