കൂട്ട ബലാത്സംഗത്തിനിരയായ ഭാര്യയെ കൊലപ്പെടുത്തി ഭർത്താവ് ആത്മഹത്യ ചെയ്ത സംഭവം എല്ലാവരെയും ദുഃഖത്തിലാഴ്ത്തി ...ഹരിയാനയിലെ ബര്‍വാള പോലീസ് സ്റ്റേഷന്‍ പരിധിയിലാണ് ദാരുണ സംഭവം നടന്ന്.

ആത്മഹത്യക്കുറിപ്പ് പ്രകാരം ഓഗസ്റ്റ് 15ന് ജോലി കഴിഞ്ഞ് വീട്ടില്‍ മടങ്ങിയെത്തിയപ്പോൾ ഇദ്ദേഹം ഭാര്യ കരയുന്നതാണ് കണ്ടത്. ഗ്രാമത്തിലെ പ്രായപൂര്‍ത്തിയാകാത്ത രണ്ട് ആണ്‍കുട്ടികള്‍ തന്നെ കൂട്ടബലാത്സംഗത്തിന് ഇരയാക്കി എന്ന് പറഞ്ഞായിരുന്നു ഭാര്യ കരഞ്ഞത്. തനിക്ക് മരിക്കണമെന്ന് ആവശ്യപ്പെട്ടെന്നും കുറിപ്പിൽ പറയുന്നു.

പോലീസിൽ പരാതിപ്പെടാമെന്ന് പറഞ്ഞപ്പോൾ അതുകൊണ്ട് കാര്യമില്ലെന്നായിരുന്നു അവൾ പറഞ്ഞത്. 'അവളെ കൊലപ്പെടുത്താനാണ് എന്നോട് പറഞ്ഞത്. അപ്പോൾ ഞാൻ പ്രതിയാകില്ലേയെന്ന് ചോദിച്ചു. അപ്പോൾ അവൾ എന്നോട് എന്താണ് ചെയ്യാൻ ഉദ്ദേശിക്കുന്നതെന്ന് ചോദിച്ചു. നിന്നെ കൊലപ്പെടുത്തിയ ശേഷം ആത്മഹത്യ ചെയ്യാമെന്ന് ഞാൻ പറഞ്ഞു. ഞങ്ങൾക്ക് മുമ്പിൽ മരിക്കുകയല്ലാതെ മറ്റ് മാർഗമില്ല. ഞങ്ങളുടെ കുട്ടിയെയും കൊല്ലേണ്ടതുണ്ട്' ആത്മഹത്യക്കുറിപ്പിൽ പറയുന്നു. രണ്ട് പ്രതികളുടെ പേരും കുറിപ്പിലുണ്ട്

ഗർഭിണിയായ യുവതിയെ ആണ് പ്രായപൂർത്തിയാകാത്ത രണ്ട് കുട്ടികൾ ചേർന്ന് കൂട്ട ബലാത്സംഗം ചെയ്തത്. കൊല്ലപ്പെട്ട യുവതിയുടെ സഹോദരൻ നൽകിയ പരാതിയുടെ അടിസ്ഥാനത്തിൽ കൊലപാതകം, ആത്മഹത്യാ പ്രേരണക്കുറ്റം എന്നിവ ചുമത്തി പ്രതികള്‍ക്കെതിരെ കേസെടുത്തതായി പോലീസ് അറിയിച്ചു.

സഹോദരി മരിച്ചെന്നറിഞ്ഞ് ഇവർ താമസിക്കുന്ന സ്ഥലത്തെത്തിയപ്പോഴാണ് അവളുടെ ഭർത്താവ് ആത്മഹത്യ ചെയ്തെന്ന് അറിഞ്ഞത് എന്നാണ് സഹോദരൻ പറയുന്നത്.