ചൈനയെ എത്രതവണ ചെവിക്ക് പിടിച്ച് പുറത്ത് തള്ളിയായലും അവര്‍ വീണ്ടും വീണ്ടും നമ്മുടെ രാജ്യത്തിലേക്ക് അധിക്രമിച്ചു കയറിക്കൊണ്ടു തന്നെ ഇരിക്കും. നമ്മുടെ രാജ്യത്തിനെ സാമ്പത്തികമായി തകര്‍ക്കുക എന്നത് അവരുടെ പ്രധാന ലക്ഷ്യമാണ്. ആ ലക്ഷ്യത്തിലെത്താന്‍ അവര്‍ എതു മാര്‍ഗവും സ്വീകരിക്കും. അപ്പോള്‍ ജാഗ്രത പുലര്‍ത്തേണ്ടത് നമ്മളാണ്. ഇപ്പോള്‍ ചൈനീസ് കമ്പനികളുടെ നിയന്ത്രണത്തില്‍ നിരവധി ചുതാട്ടമാണ് രാജ്യത്തിന്റെ പ്രധാന നഗരങ്ങളില്‍ നടക്കുന്നത്. ബോയ്‌ക്കോട്ട് ചൈന ക്യാമ്പയില്‍ ശക്തമായി രാജ്യത്ത് തുടരുമ്പോഴും ഈ ചുതാട്ട ഓണ്‍ലൈന്‍ തട്ടിപ്പില്‍ ഇരയാകുന്നവരുടെ എണ്ണം കുറവല്ല. ഇതിലൂടെ രാജ്യത്തിന് നഷ്ടമാകുന്നത് കോടികളാണ്. ഒപ്പം നിരവധി സാധാരണക്കാരണം ചൈനീസ് കമ്പനികളുടെ ചൂഷണത്തിന് വിധേയരാകുന്നു. ഇത് തടയുന്നതിന്റെ ഭാഗമായിയാണ് എന്‍ഫോഴ്‌മെന്റ് ഡയറക്ടേറ്റ് രംഗത്തു എത്തിയത്.

ചൈനീസ് ഓണ്‍ലൈന്‍ ചൂതാട്ട കമ്പനിയുടെ നിയന്ത്രണത്തിലുള്ള 15 ഓളം കേന്ദ്രങ്ങളില്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) റെയ്ഡ് നടത്തി. ഡല്‍ഹി, ഗുരുഗ്രാം, മുംബൈ, പുണെ തുടങ്ങിയ പതിനഞ്ചോളം കേന്ദ്രങ്ങളില്‍ നടന്ന റെയ്ഡില്‍ 46.96 കോടി രൂപ പിടിച്ചെടുത്തു. നിയമവിരുദ്ധമായി ഓണ്‍ലൈന്‍ ചൂതാട്ട റാക്കറ്റ് നടത്തിയ സംഭവത്തില്‍ ഒരു ചൈനീസ് പൗരനെയും മൂന്ന് ഇന്ത്യക്കാരെയും ഹൈദരാബാദ് പൊലീസ് ബുധനാഴ്ച അറസ്റ്റ് ചെയ്തിരുന്നു. തൊട്ടുപിന്നാലെയാണ് ഓണ്‍ലൈന്‍ കമ്പനിയുടെ വിവിധ കേന്ദ്രങ്ങളില്‍ റെയ്ഡ് നടന്നത്. വെള്ളിയാഴ്ച നടന്ന റെയ്ഡിന്റെ വിവരങ്ങളാണ് പുറത്തു വന്നത്.

നാല് ബാങ്ക് അക്കൗണ്ടുകളിലായി നിക്ഷേപിച്ചിരുന്ന 46.96 കോടി രൂപ മരവിപ്പിച്ചതായി ഇഡി അറിയിച്ചു. കഴിഞ്ഞ ബുധനാഴ്ചയാണ് ഓണ്‍ലൈന്‍ കമ്പനിയുടെ സൗത്ത് ഈസ്റ്റ് ഏഷ്യ ഓപ്പറേഷന്‍സ് തലവന്‍ യാഹ് ഹാവോ, കമ്പനിയുടെ ഇന്ത്യന്‍ ഡയറക്ടര്‍മാരായ ധീരജ് സര്‍ക്കാര്‍, അങ്കിത് കപൂര്‍, നീരജ് തുലി എന്നിവരെ ഹൈദരാബാദ് പൊലീസ് അറസ്റ്റ് ചെയ്തത്. എച്ച്എസ്ബിസി ബാങ്കുമായി ബന്ധിപ്പിച്ചിരുന്ന നിരവധി അക്കൗണ്ടുകളിലൂടെയാണ് പണകൈമാറ്റം നടന്നിരുന്നതെന്ന് ഇഡി അറിയിച്ചു. ചൈന ആസ്ഥാനമായ 'ബെയ്ജിങ് ടി പവര്‍ കമ്പനി'യുടെ കീഴിലുള്ള നിരവധി കമ്പനികളാണ് ഓണ്‍ലൈന്‍ ചൂതാട്ടം സംഘടിപ്പിച്ചത്. ഇതുവഴി 1268 കോടി രൂപ പുറത്തുപോയെന്നാണ് വിവരം.

ലോക്ഡൗണ്‍ സമയത്താണ് കൂടുതല്‍ ഇടപാടുകളും നടന്നത്. ഹൈദരാബാദില്‍നിന്നുള്ള രണ്ടുപേര്‍ക്ക് ചൂതാട്ടത്തില്‍ പണം നഷ്ടപ്പെട്ടിരുന്നു. ഒരാള്‍ക്ക് 1.64 ലക്ഷവും മറ്റേയാള്‍ക്ക് 97,000 രൂപയുമാണ് നഷ്ടപ്പെട്ടത്. പേടിഎം, ക്യാഷ്ഫ്രീ തുടങ്ങിയ പേയ്‌മെന്റ് ആപ്ലിക്കേഷന്‍ ഫ്‌ലാറ്റ്‌ഫോമുകള്‍ ഉപയോഗിച്ചാണ് കൂടുതലും ഇടപാടുകള്‍ നടത്തിയിരുന്നത്. ഇത്തരത്തില്‍ 1200 കോടി രൂപയുടെ തട്ടിപ്പ് രാജ്യത്തും പുറത്തുമായി നടന്നിറ്റുണ്ട്. ഇന്ത്യയിലെ ചില ചാര്‍ട്ടേഡ് അക്കൗണ്ടുമാരുടെ സഹായവും ചൈനീസ് കമ്പനികള്‍ക്ക് ലഭിച്ചിട്ടുണ്ട്.