മഹാരാഷ്ട്രയില്‍ കൊവിഡ് ബാധിതരുടെ എണ്ണം 792541 ആയി. ഇന്നലെ 11852 പേര്‍ക്കാണ് സംസ്ഥാനത്ത് രോഗം സ്ഥിരീകരിച്ചത്. പുതിയതായി 184 മരണവും റിപ്പോര്‍ട്ട് ചെയ്തു. ഇതോടെ ആകെ മരണസംഖ്യ 24583 ആയി. 24 മണിക്കൂറിനിടയില്‍ 11158 പേര്‍ മഹാരാഷ്ട്രയില്‍ കൊവിഡ് മുക്തരായി. ഇതുവരെ 573559 പേരുടെ രോഗം ഭേദമായി. 194056 പേര്‍ നിലവില്‍ ചികിത്സയിലാണ്.കൊവിഡ് വ്യാപനം അതിരൂക്ഷമായ ആന്ധ്രാപ്രദേശ് രോഗബാധിതരുടെ എണ്ണത്തില്‍ തമിഴ്‌നാടിനെ മറികടന്ന് രണ്ടാമതെത്തി.
പുതിയതായി 10004 പേര്‍ക്ക് രോഗം സ്ഥിരീകരിച്ചതോടെ സംസ്ഥാനത്തെ രോഗബാധിതരുടെ എണ്ണം 434771 ആയി. പുതിയതായി 85 മരണവും സംസ്ഥാനത്ത് റിപ്പോര്‍ട്ട് ചെയ്തു. ഇതോടെ ആകെ മരണസംഖ്യ 3969 ആയി. തിങ്കളാഴ്ച 8772 പേരാണ് ആന്ധ്രാപ്രദേശില്‍ കൊവിഡ് മുക്തരായത്. ഇതുവരെ 330526 പേരുടെ രോഗം ഭേദമായി. 100276 ആണ് ആക്ടീവ് കേസുകള്‍.