ജയ്പൂര് നഗരത്തിന്റെ പൊലീസ് കമ്മിഷണറായി മൂന്നാം ക്ലാസുകാരന്
ജയ്പൂര് നഗരത്തിന്റെ പൊലീസ് കമ്മിഷണറായി മൂന്നാം ക്ലളാസുകാരന്. ഗിരിഷ് ശര്മ എന്ന 10 വയസുകാരന് ഒരു ദിവസം ജയ്പൂര് നഗരത്തിന്റെ പൊലീസ് വിഭാഗത്തിന്റെ ക്രമസമാധാന ചുമതലവഹിച്ചത്. പൊലീസ് സ്റ്റേഷനുകള് സന്ദര്ശിച്ച കുട്ടികമ്മീഷണര് പോലീസ് കാര്ക്ക് നിര്ദ്ദേശങ്ങള് നല്കുകയും ഗാര്ഡ് ഓഫ് ഓണര് സ്വീകരിക്കുകയും ചെയ്തു. രണ്ടു കിഡ്നികളും തകരാറിലായി ഗുരുതരാവസ്ഥയിലായ ബാലന്റെ സ്വപ്നമാണ് ജയ്പൂര് പൊലീസ് സാധിച്ചുകൊടുത്തത്.
ഗുരുതര രോഗം അനുഭവിക്കുന്ന കുട്ടികളുടെ സ്വപ്നം സാക്ഷാത്കരിക്കുന്നതിനായി പ്രവര്ത്തിക്കുന്ന \'മേക്ക് എ വിഷ് ഫൗണ്ടേഷന്റെ\' ശ്രമഫലമായാണ് ഗിരിഷിന് തന്റെ സ്വപ്നം സഫലമാക്കാനായത്. ഹരിയാനയിലെ സിര്സയില്നിന്നുള്ള ഒരു പഴം പച്ചക്കറി വില്പ്പനക്കാരന്റെ മകനായ ഗിരിഷ് കഴിഞ്ഞ രണ്ടുമാസമായി ജയ്പൂരിലെ സവായ് മാന്സിങ് ആശുപത്രിയില് ചികില്സയിലാണ്.![\"\"](\"/userfiles/p2.jpg\")
\'മേക്ക് എ വിഷ് ഫൗണ്ടേഷന്\' പ്രവര്ത്തകര് ഗിരിഷിന്റെ സ്വപ്നമെന്തെന്ന് അറിഞ്ഞപ്പോള് ആദ്യമൊന്നു ഞെട്ടി. സാധാരണ ബാലന്മാര് ഒരു സിനിമാ താരത്തെയോ, സ്പോര്ട്സ് താരത്തെയോ കാണമെന്നോ, സൈക്കിള് വേണമെന്നോ ഒക്കെയാണ് ആവശ്യപ്പെടുക. ഗിരിഷിന്റെ ആഗ്രഹം ജയ്പൂര് നഗരത്തിന്റെ പൊലീസ് കമ്മിഷണറാകണമെന്നായിരുന്നു. ആവശ്യവുമായി ഫൗണ്ടേഷന് പ്രവര്ത്തകര് ജയ്പൂര് പൊലീസിനെ സമീപിച്ചപ്പോള് ബാലന്റെ ആഗ്രഹം സഫലമാക്കാന് പൊലീസ് സേന പൂര്ണമായും സഹകരിച്ചു.
ഗിരിഷിനായി പ്രത്യേകം യൂണിഫോം തയ്പിച്ചു. കൊച്ചു ലാത്തിയും തൊപ്പിയുമൊക്കെയായി ഗിരിഷ് ശരിക്കും കമ്മിഷണറായി. രാവിലെ വെള്ള അംബാസഡര് കാറില് വന്നിറങ്ങിയ കൊച്ചു കമ്മിഷണര് ഗാര്ഡ് ഓഫ് ഓണര് പരിശോധിച്ചു. ഐ.പി.എസ് ഉദ്യോഗസ്ഥര് ഉള്പ്പടെയുള്ളവര് ഗാര്ഡ് ഓണറിന് നിരന്നു. ഡി.സി.പിയുടെയും, എ.സി.പിയുടെയുമൊക്കെ സല്യൂട്ട് സ്വീകരിച്ചു. കൊച്ചു കമ്മിഷണര് ഒരു പൊലീസ് സ്റ്റേഷനും സന്ദര്ശിച്ചു. കമ്മിഷണര് സന്ദര്ശനത്തിനെത്തുമെന്നറിയിച്ചിരുന്നതിനാല് പൊലീസ് സ്റ്റേഷന് തുടച്ചുവൃത്തിയാക്കി മനോഹരമാക്കിയിരുന്നു. കാറില്നിന്ന് കൊച്ചു കമ്മിഷണര് പുറത്തിറങ്ങിയപ്പോള് സ്റ്റേഷനിലെ പൊലീസുകാര് ഒന്നു ഞെട്ടി. എന്നാല് വിവരമറിഞ്ഞതോടെ കമ്മിഷണറെ സല്യൂട്ട് ചെയ്ത് സ്വീകരിച്ച് പൊലീസ് സ്റ്റേഷന് കാണിച്ചുകൊടുത്തു.
എന്തുകൊണ്ടാണ് കമ്മിഷണറാകാന് തീരുമാനിച്ചതെന്ന ചോദ്യത്തിന് ഗിരിഷിന്റെ ഉത്തരമിതായിരുന്നു. \'എനിക്ക് കള്ളന്മാരെ അറസ്റ്റ് ചെയ്യണം.\' ഗിരിഷിന്റെ ആഗ്രം പൊലീസ് സേനയില് പുതിയ തലമുറയ്ക്കുള്ള വിശ്വാസത്തിന്റെ അടയാളമാണെന്ന് പൊലീസ് കമ്മിഷണര് ശ്രീനിവാസ് റാവു പറഞ്ഞു.![\"\"](\"/userfiles/p3.jpg\")
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
