തെലുങ്കാനയിലെ കരിംനഗറില്‍ 75കാരന്‍ മകനെ കോടാലിക്ക് വെട്ടിക്കൊന്നു. മദ്യപിക്കാന്‍ പണം ആവശ്യപ്പെട്ടെങ്കിലും നല്‍കാന്‍ മകന്‍ വിസമ്മതിച്ചതാണ് പിന്നീട് കൊലപാതകത്തിലേക്ക് നയിച്ചത്.
സൊനാവെനി ബലയ്യ(45) ആണ് പിതാവിന്റെ ആക്രമണത്തില്‍ കൊല്ലപ്പെട്ടത്. ഇയാളും പിതാവായ സൊനാവെനി ലിങ്കയ്യയും സംഭവ ദിവസം പണത്തെച്ചൊല്ലി കലഹിച്ചിരുന്നതായി പോലീസ് പറഞ്ഞു. കര്‍ഷകനായ ബലയ്യയുടെ പെന്‍ഷന്‍ പണത്തില്‍ നിന്നും മദ്യപിക്കാനായി പണം നല്‍കണമെന്നായിരുന്നു ലിങ്കയ്യയുടെ ആവശ്യം. എന്നാല്‍ ഇത് വിസമ്മതിച്ചശേഷം ഉറങ്ങാന്‍ പോയ ബലയ്യയെ പതിയിരുന്ന പിതാവ് വെട്ടിക്കൊലപ്പെടുത്തുകയായിരുന്നു.
സംഭവശേഷം തന്റെ മകനെ അജ്ഞാതന്‍ കൊലപ്പെടുത്തിയതായി ലിങ്കയ്യ നാട്ടില്‍ പറഞ്ഞുപരത്തി. ഇത് പോലീസിലും ആശയക്കുഴപ്പം സൃഷ്ടിച്ചിരുന്നു. എന്നാല്‍ പോലീസ് നടത്തിയ അന്വേഷണത്തില്‍ പിന്നീട് ലിങ്കയ്യയെ അറസ്റ്റ് ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha