ഗജേന്ദ്ര സിങ്ങിന്റെ ആത്മഹത്യ: ജന്തര് മന്ദിറിലെ എല്ലാ മരങ്ങളും പോലീസ് നിരീക്ഷണത്തില്
ഭൂമിയേറ്റെടുക്കല് ബില്ലിനെതിരായ ആം ആദ്മി പാര്ട്ടിയുടെ റാലിക്കിടെ കര്ഷകന് ആത്മഹത്യ ചെയ്ത സംഭവത്തിന്റെ പശ്ചാത്തലത്തില് ഡല്ഹിയിലെ മരങ്ങള് പോലീസ് നിരീക്ഷണത്തില്. സമാനമായ സംഭവങ്ങള് ആവര്ത്തിക്കാതിരിക്കുന്നതിനാണ് പോലീസ് ഡല്ഹിയിലെ മരങ്ങള്ക്ക് മേല് കണ്ണുവച്ചിരിക്കുന്നത്. പതിവായി രാഷ്ട്രീയ പാര്ട്ടികളുടെ പ്രതിഷേധ പരിപാടികള് അരങ്ങേറുന്ന ജന്തര് മന്ദിറിലെ മരങ്ങള് പ്രത്യേകം നിരീക്ഷിക്കാനാണ് ഡല്ഹി പോലീസിന്റെ തീരുമാനം.
ഗജേന്ദ്ര സിങ്ങിന്റെ ആത്മഹത്യയുടെ ഞെട്ടല് മാറുന്നതിന് മുന്പേ കഴിഞ്ഞ തിങ്കളാഴ്ച ജന്തര് മന്ദിറില് നടന്ന യൂത്ത് കോണ്ഗ്രസ് റാലിക്കിടെയും ഒരാള് മരത്തില് കയറിയിരുന്നു. ഇതോടെയാണ് നിരീക്ഷണം ശക്തമാക്കാന് പോലീസിന് നിര്ദ്ദേശം ലഭിച്ചത്. യൂത്ത് കോണ്ഗ്രസ് റാലിക്കിടെ മരത്തില് കയറിയയാളെ പോലീസ് ഏറെ പണിപ്പെട്ടാണ് താഴെ ഇറക്കിയത്.
പ്രതിഷേധ യോഗങ്ങളില് പങ്കെടുക്കുന്നവര് മരത്തില് കയറാതിരിക്കാന് പ്രത്യേക നിരീക്ഷണം നടത്തണമെന്ന് പോലീസിന് നിര്ദ്ദേശം നല്കിയതായി ഡെപ്യൂട്ടി കമ്മീഷണര് വിജയ് സിങ് അറിയിച്ചു. പ്രതിഷേധക്കാര് മരത്തില് കയറുന്നത് ശ്രദ്ധയില്പ്പെട്ടാല് അഗ്നിശമന സേനയുടെ അടക്കം സഹായം തേടാനും പോലീസിന് നിര്ദ്ദേശം നല്കിയതായി വിജയ് സിങ് കൂട്ടിച്ചേര്ത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
