മതപരിവര്ത്തനം കര്ശനമായി നിരോധിക്കണം... ലൗ ജിഹാദിന്റെ പേരില് നടക്കുന്ന നിര്ബന്ധിത മതപരിവര്ത്തനവും സ്ത്രീപീഡനങ്ങളും തടയാന് കര്ക്കശനിമയങ്ങള് കൊണ്ടുവരാനൊരുങ്ങി ഉത്തര്പ്രദേശ് സര്ക്കാര്
ലൗ ജിഹാദിന്റെ പേരില് നടക്കുന്ന നിര്ബന്ധിത മതപരിവര്ത്തനവും സ്ത്രീപീഡനങ്ങളും തടയാന് കര്ക്കശനിമയങ്ങള് കൊണ്ടുവരാനൊരുങ്ങി ഉത്തര്പ്രദേശ് സര്ക്കാര്. നിയമനിര്മാണത്തിനുള്ള കര്മപരിപാടികള് തയാറാക്കാന് മുഖ്യമന്ത്രി ഉദ്യോഗസ്ഥരോടു നിര്ദേശിച്ചു. ആവശ്യമെങ്കില് ഓര്ഡിനന്സ് വരെ കൊണ്ടുവരാമെന്നും മുഖ്യമന്ത്രി പറഞ്ഞു.ലൗ ജിഹാദ് സംഭവങ്ങള് കണ്ടെത്താന് പ്രത്യേക അന്വേഷണ സംഘത്തെ രൂപീകരിച്ചതിന് പിന്നാലെയാണ് ഭരണപരമായ തീരുമാനത്തിലേയ്ക്ക് കടക്കാന് യോഗി ആദിത്യനാഥ് തീരുമാനം എടുത്തത്.
മതപരിവര്ത്തനം കര്ശനമായി നിരോധിക്കണം. ഇതിനായുള്ള നടപടിക്രമങ്ങള് തയ്യാറാക്കി വരികയാണ്. ഫലപ്രദമായി മതപരിവര്ത്തനത്തെ തടയുന്ന നിലവിലുള്ള നിയമങ്ങളും പരിശോധിക്കും. നിയമവിദഗ്ധര് ഇതു സംബന്ധിച്ച് പഠിച്ചുകൊണ്ടിരിക്കുകയാണെന്നും മുഖ്യമന്ത്രി യോഗി ആദിത്യ നാഥ് പറഞ്ഞു.സംസ്ഥാനത്ത് സമീപകാലത്ത് പ്രണയവിവാഹങ്ങളുടെയും മറ്റും പേരില് മതപരിവര്ത്തനം വ്യാപകമാവുകയാണ്.
കടുത്ത പീഡനം നേരിടുന്ന പെണ്കുട്ടികളില് ചിലര്ക്കു ജീവന്പോലും നഷ്ടമാകുന്ന സ്ഥിതിവിശേഷമാണ്. ഇത്തരം സംഭവങ്ങള് ആവര്ത്തിക്കാതിരിക്കാന് കര്ശനമായ നിയമനിര്മാണം വേണമെന്നാണ് മുഖ്യമന്ത്രി ആവശ്യപ്പെട്ടിരിക്കുന്നത്.സംഘടിതമായ രീതിയിലാണ് ലൗ ജിഹാദിനുവേണ്ടിയുള്ള പ്രവര്ത്തനം. ഓര്ഡിനന്സ് കൊണ്ടുവരുന്നതോടെ മതപരിവര്ത്തന നിയമപ്രകാരം ഒരു വ്യക്തിയെ പ്രത്യക്ഷമായോ അല്ലാതേയോ മതം മാറാന് നിര്ബന്ധിക്കുകയോ സമ്മര്ദ്ദം ചെലുത്തി മതംമാറ്റുകയോ ചെയ്യുന്നത് കടുത്ത ശിക്ഷയുടെ പരിധിയില്പ്പെടുത്തും.
ഉത്തര്പ്രദേശിലെ കാന്പൂര് ജില്ലയില് മാത്രം 11 സംഭവങ്ങള് തുടര്ച്ചയായി നടന്നതോടെയാണ് സര്ക്കാര് നയം കടുപ്പിച്ചത്.
"
https://www.facebook.com/Malayalivartha
