അതിസമ്പന്നര്ക്കായുള്ള രാജ്യത്തെ ആദ്യ വിമാന ടെര്മിനല് ഇന്ദിരാഗാന്ധി അന്താരാഷ്ട്ര വിമാനത്താവളത്തില്
ഇന്ദിരാഗാന്ധി അന്താരാഷ്ട്ര വിമാനത്താവളത്തില് അതിസമ്പന്നര്ക്കായി മാത്രം സ്വകാര്യ വിമാന ടെര്മിനല് തുറന്നു. കഴിഞ്ഞ കുറച്ചു നാളുകളായി രാജ്യത്തെ അതിസമ്പന്ന പട്ടികയില്പെട്ട സമ്പന്നര് ഇതിനായി കേന്ദ്രസര്ക്കാരിനോട് അഭ്യര്ത്ഥിച്ചിരുന്നു. ബസിനസ് ജെറ്റ്, ചാര്ട്ടേഡ് വിമാനങ്ങള് എന്നിവയുടെ സര്വീസ് കൂടുതല് എളുപ്പമാക്കാനാണ് ഈ നീക്കം.
കോവിഡ് കാലത്ത് സ്വകാര്യ വിമാനങ്ങളുടെ സര്വീസ് വര്ദ്ധിച്ചിരുന്നു. രാജ്യത്തെ വിമാന സര്വീസ് അടുത്ത 13 വര്ഷത്തിനുള്ളില് 900 ശതമാനം വളര്ച്ച നേടുമെന്നാണ് വിലയിരുത്തല്. ഇതും വിലയിരുത്തിയാണ് ഇത്തരത്തിലൊരു നീക്കം.
രാജ്യത്തെ അതിസമ്പന്നരുടെ എണ്ണത്തില് 2018 വരെ 116 ശതമാനം (അഞ്ചു വര്ഷത്തെ കണക്ക്) വര്ദ്ധനയാണ് ഉണ്ടായിട്ടുള്ളത്. 2023 ആകുമ്പോള് ഇത് 37 ശതമാനം കൂടി ഉയരുമെന്നാണ് സൂചന.
150 വിമാനങ്ങള്ക്ക് ഒരു ദിവസം പുതിയ ടെര്മിനല് വഴി സര്വീസ് നടത്താനാകും. ഒരു മണിക്കൂറില് 50 യാത്രക്കാരെയും കൈകാര്യ ചെയ്യാനാകും.
https://www.facebook.com/Malayalivartha
