കങ്കണയുടെ വീട് പൊളിച്ച കേസ്... കങ്കണയുടെ ഓഫീസ് കെട്ടിടം പൊളിച്ചു നീക്കുമ്പോള് അത് നിര്മാണ ഘട്ടത്തിലായിരുന്നോയെന്ന് കോടതി
ബോളിവുഡ് നടി കങ്കണ റാവത്തിന്റെ ഓഫീസ് കെട്ടിടം പൊളിച്ചുമാറ്റിയ കേസില് മുംബയ് ഹൈക്കോടതി വാദം കേട്ടു. നിയമവിരുദ്ധമായ ഒരു നിര്മാണവും താന് നടത്തിയിട്ടില്ലെന്നും, വരുത്തിയ മാറ്റങ്ങള് ബി.എം.സിയുടെ നടപടിക്കുമുമ്ബ് നിലവിലുണ്ടായിരുന്നുവെന്നും കങ്കണ കോടതിയില് വ്യക്തമാക്കി. ഇതിന് തെളിവായി കഴിഞ്ഞ ജനുവരിയില് നടന്ന ചില പൂജാ ചടങ്ങുകളുടെ ചിത്രങ്ങളും നടി കോടതിയില് സമര്പ്പിച്ചു. നിയമവിരുദ്ധമായാലും അല്ലെങ്കിലും മുനിസിപ്പല് കോര്പ്പറേഷന് നിയമത്തിലെ സെക്ഷന് 354 എ പ്രകാരം ബി.എം.സിക്ക് നടന്നുകൊണ്ടിരിക്കുന്ന അനധികൃത നിര്മാണം മാത്രമേ പൊളിച്ചു നീക്കാനാകു. കങ്കണയുടെ ഓഫീസ് കെട്ടിടം പൊളിച്ചു നീക്കുമ്ബോള് അത് നിര്മാണ ഘട്ടത്തിലായിരുന്നോയെന്നും കോടതി ചോദിച്ചു. അനധികൃത നിര്മാണം നടന്നിരുന്നുവെന്നതിന് തെളിവുകള് ഹാജരാക്കാന് ബി.എം.സിയോട് കോടതി നിര്ദേശിച്ചു. കെട്ടിടത്തിന്റെ നിര്മാണം സംബന്ധിച്ച കാര്യങ്ങളില് പരിശോധന നടത്തുമെന്നും കോടതി അറിയിച്ചു. അനധികൃത നിര്മാണം എന്ന് ചൂണ്ടിക്കാട്ടി സെപ്റ്റംബര് ആറിനാണ് ബ്രിഹന്മുംബൈ മുനിസിപ്പല് കോര്പ്പറേഷന് കങ്കണയുടെ ഓഫീസ് കെട്ടിടം പൊളിച്ച് നീക്കാന് ആരംഭിച്ചത്. ഇതിന് പിന്നാലെ കങ്കണ കോടതിയില് ഹര്ജി നല്കുകയും കോര്പ്പറേഷന് നടപടി മരവിപ്പിക്കുകയും ചെയ്തിരുന്നു. ഈ കേസിലാണ് ഹൈക്കോടതി ഡിവിഷന് ബെഞ്ച് വാദം കേട്ടത്.
https://www.facebook.com/Malayalivartha
