വേശ്യാവൃത്തി നിയമപ്രകാരം കുറ്റകൃത്യമല്ല... പ്രായപൂര്ത്തിയായ സ്ത്രീക്ക് അവര്ക്ക് ഇഷ്ടപ്പെട്ട ജോലി തെരഞ്ഞെടുക്കാമെന്ന് ഹൈക്കോടതി
പ്രായപൂര്ത്തിയായ ഒരു സ്ത്രീക്ക് സ്വന്തം തൊഴില് തെരഞ്ഞെടുക്കാന് അവകാശമുണ്ടെന്നും ബോംബെ ഹൈക്കോടതി. ലൈംഗിക തൊഴിലാളികളായ മൂന്നു സ്ത്രീകള് നല്കിയ ഹര്ജിയിലാണ് കോടതിയുടെ ഉത്തരവ്. വേശ്യാവൃത്തി, 1956ലെ പെണ്വാണിഭ നിരോധന ആക്ട് പ്രകാരം കുറ്റകരമല്ലെന്നും കോടതി വിലയിരുത്തി. സിംഗിള് ബെഞ്ച് ജസ്റ്റിസ് പൃഥ്വിരാജ് കെ ചവാന്റേതാണ് സുപ്രധാന ഉത്തരവ്. പെണ്വാണിഭ കേസില് കുറ്റം ചുമത്തിയ മെട്രോപൊളിറ്റന് മജിസ്ട്രേറ്റിന്റെ വിധിക്കെതിരെയാണ് മൂന്നു സ്ത്രീകള് ഹൈക്കോടതിയെ സമീപിച്ചത്. 2019 സെപ്റ്റംബര് 13ന് പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് മലാഡിലെ ഒരു ഗസ്റ്റ് ഹൌസ് റെയ്ഡ് ചെയ്തതിനെത്തുടര്ന്നാണ് ഹര്ജിക്കാരായ മൂന്നു സ്ത്രീകള് ഉള്പ്പടെയുള്ളവര് അറസ്റ്റിലായത്. യാത്രി ഗസ്റ്റ് ഹൗസിലെ ഏഴാം നമ്ബര് മുറിയില്നിന്നാണ് ഇവരെ കസ്റ്റഡിയിലെടുത്തത്. ഇവരെ ഇതേ ദിവസം തന്നെ മെട്രോപൊളിറ്റന് മജിസ്ട്രേറ്റിന് മുന്നാകെ ഹാജരാക്കി റിമാന്ഡ് ചെയ്തു. വേശ്യാവൃത്തി തൊഴിലായി സ്വീകരിക്കുന്ന ബേഡിയാ സമുദായത്തില്പ്പെട്ടവരായിരുന്നു ഈ സ്ത്രീകള്. മെട്രോപൊളിറ്റന് മജിസ്ട്രേറ്റിന്റെ ഉത്തരവിനെതിരെയാണ് ഇവര് പിന്നീട് ബോംബെ ഹൈക്കോടതിയെ സമീപിച്ചത്. ഏറെ നാളത്തെ വാദത്തിനൊടുവിലാണ് ബോംബെ ഹൈക്കോടതി ഇവരെ കുറ്റവിമുക്തരാക്കിയത്.
https://www.facebook.com/Malayalivartha
