ജനങ്ങളുടെ ചോദ്യങ്ങള്‍ക്ക് ഗവണ്‍മെന്റ് ഉത്തരം പറയാന്‍ ബാധ്യസ്ഥരാണെന്ന് ട്വിറ്ററിലൂടെ കേന്ദ്ര സര്‍ക്കാരിനെതിരെ രൂക്ഷ വിമര്‍ശനമുന്നയിച്ച് ബംഗാള്‍ മുഖ്യമന്ത്രി മമത ബാനര്‍ജി. അന്താരാഷ്ട്ര വിവരാവകാശ ദിനത്തിലാണ് സര്‍ക്കാരിനുനേരെ വിമര്‍ശനവുമായി മമത എത്തിയത്. 'ഇന്ന് അന്താരാഷ്ട്ര വിവരാവകാശ ദിനമാണ്. എന്നാല്‍ ഇന്ത്യന്‍ ഗവണ്‍മെന്റ് ഈ കഴിഞ്ഞ പാര്‍ലമെന്റ് സെഷനുകളില്‍ ചെയ്തത് അമ്ബരപ്പിക്കുന്നതാണ്. ചോദിച്ച ചോദ്യങ്ങളുടെ എല്ലാ ഉത്തരങ്ങളും(ഗവണ്‍മെന്റിന്റെ) വിവരങ്ങളില്ല എന്നായിരുന്നു. ഓരോരുത്തര്‍ക്കും വിവരങ്ങള്‍ അറിയുന്നതിനുള്ള അവകാശമുണ്ട്. എന്നാല്‍ പൊതുജനങ്ങളുടെ ചോദ്യങ്ങള്‍ക്ക് കേന്ദ്ര സര്‍ക്കാരിന്റെ കയ്യില്‍ വിവരങ്ങളൊന്നുമില്ലെന്ന് മമത വിമര്‍ശിച്ചു.