ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ ഓഫീസ് വാര്‍ത്താ ചാനലുകളെ നിരീക്ഷിക്കുന്നു. ചാനലുകള്‍ സംപ്രേക്ഷണം ചെയ്യുന്ന വാര്‍ത്തകളുടെ ഉള്ളടക്കം പരിശോധിക്കാന്‍ ഡയക്ടറേറ്റ് ഓഫ് ഇന്‍ഫര്‍മേഷന്‍ ആന്റ് പബ്‌ളിസിറ്റിക്ക് നിര്‍ദേശം നല്‍കിയതായാണ് റിപ്പോര്‍ട്ട്. രാവിലെ ഒമ്പതു മണിമുതല്‍ രാത്രി 11 വരെ വാര്‍ത്താ ചാനലുകളെ നിരീക്ഷിക്കണമെന്നാണ് ഡി.പി.ഐക്ക് നല്‍കിയ നിര്‍ദേശം.

വാര്‍ത്തകള്‍ നിരീക്ഷിച്ച് ദിവസേന റിപ്പോര്‍ട്ട് മുഖ്യമന്ത്രിക്ക് കൈമാറുവാനായി മൂന്നംഗ പാനലിനെ ചുമതലപ്പെടുത്തിയിട്ടുണ്ട്. ചാനലിലെ എല്ലാ വാര്‍ത്തകളും റെക്കോഡ് ചെയ്യുന്നതിനു പകരം ഡല്‍ഹിയും ഡല്‍ഹി സര്‍ക്കാറുമായും ബന്ധപ്പെട്ട വാര്‍ത്തകള്‍ ചുരുക്കി റിപ്പോര്‍ട്ട് തയാറാക്കുകയാണ് ചെയ്യുന്നത്. വാര്‍ത്തകള്‍ ഇത്തരത്തില്‍ നിരീക്ഷിക്കുന്നതില്‍ തെറ്റില്‌ളെന്നും ഷീലാ ദീക്ഷിത് സര്‍ക്കാറും വാര്‍ത്തകള്‍ മോണിറ്റര്‍ ചെയ്തിരുന്നുവെന്നും കെജ് രിവാളിന്റെ ഓഫീസ് അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha