അച്ഛന്റെ ജോലി തട്ടിയെടുക്കാന് മകന് കാട്ടിയ ക്രൂരത?
സര്ക്കാര് ജോലിക്കാരനായ പിതാവിന്റെ ജോലി തട്ടിയെടുക്കാന് മകന് കാട്ടിയ ക്രൂരത പുറത്തായി. സംഭവത്തില് മകനും സുഹൃത്തും പോലീസ് പിടിയിലായി. രാജസ്ഥാനിലെ ഉദയ്പൂരിലാണ് സംഭവം. 28കാരനായ അങ്കിത് പാലിവാല്, സുഹൃത്ത് നിഖില് എന്നിവരാണ് പിടിയിലായത്. തൊഴില് രഹിതനായ അങ്കിത് പിതാവ് മരിച്ചാല് ആ ജോലി തനിക്ക് ലഭിക്കുമെന്നുള്ളതിനാലാണ് ഈ ക്രൂരതക്ക് ശ്രമിച്ചത്. അങ്കിതും നിഖിലും ഒരു റെസ്റ്റോറന്റ് ആരംഭിക്കാന് പദ്ധതിയിട്ടിരുന്നു. എന്നാല് ഇതിനി വേണ്ടത്ര പണം കൈയ്യിലുണ്ടായിരുന്നില്ല.
ഇതോടെയാണ് അച്ഛനെ കൊലപ്പെടുത്തി ജോലി നേടുന്നതിനെ കുറിച്ച് ഇരുവരും പദ്ധതിയിട്ടത്. അച്ഛന്റെ ജോലി ലഭിച്ചാല് റെസ്റ്റോറന്റ് ആരംഭിക്കാന് കഴിയുമെന്നാണ് ഇരുവരും വിശ്വസിച്ചു. ചൊവ്വാഴ്ച ജോലി കഴിഞ്ഞു ഇരുചക്ര വാഹനത്തില് വീട്ടിലേക്ക് വരികയായിരുന്ന രാകേഷ് പാലിവാലിനെ നിഖില് എറിഞ്ഞു വീഴ്ത്തി. ഹെല്മറ്റ് ധരിച്ചിരുന്നതിനാല് രാകേഷിന് ഗുരുതരമായി പരിക്കേറ്റില്ല. ആളുകള് ഓടിക്കൂടിയത് കാരണം വീണ്ടും പദ്ധതി നടപ്പാക്കാന് നിഖിലിന് കഴിഞ്ഞില്ല. പ്രതി എത്തിയ സ്കൂട്ടറിന്റെ നമ്ബര് ശ്രദ്ധയില്പ്പെട്ട രാകേഷിന്റെ സുഹൃത്ത് നല്കിയ വിവരങ്ങളാണു പ്രതികളെ കുടുക്കിയത്. നിഖിലിനെ ചോദ്യം ചെയ്തതില് നിന്നാണ് വിവരങ്ങള് ലഭിച്ചത്.
https://www.facebook.com/Malayalivartha