392 ഫെസ്റ്റുവല് പ്രത്യേക തീവണ്ടികള്; തീവണ്ടികളില് ഭൂരിഭാഗവും കൊല്ക്കത്ത, പട്ന, വാരണാസി, ലക്നൗ തുടങ്ങിയ സ്ഥലങ്ങളിലേക്ക്; പ്രത്യേക തീവണ്ടികള് നവംബര് 30 വരെ മാത്രം; സര്വീസുകള് ഇന്നു മുതല്; പാസഞ്ചര് ട്രെയിനുകള് ഉടന് ഓടിക്കില്ല
വരാനിരിക്കുന്ന ഉത്സവകാലം കണക്കിലെടുത്ത് 392 ഫെസ്റ്റിവല് പ്രത്യേക തീവണ്ടികള് ഓടിക്കും. ഇന്ന് മുതല് നവംബര് 30 വരെയാണ് ഇന്ത്യന് റെയില്വേയും പ്രത്യേക ട്രെയിനുകള് ഓടുക. ദുര്ഗാ പൂജ, ദസറ, ദീപാവലി, ഛാട്ട് പൂജ എന്നിവയുടെ അവധിക്കാലത്ത് വര്ദ്ധിച്ചുവരുന്ന ആവശ്യം നിറവേറ്റുന്നതിനായി കൊല്ക്കത്ത, പട്ന, വാരണാസി, ലക്നൗ തുടങ്ങിയ സ്ഥലങ്ങളിലേക്ക് ഈ തീവണ്ടികള് ഓടിക്കുമെന്ന് ഇന്ത്യന് റെയില്വേ പറഞ്ഞു.
ഈ ഉത്സവകാല പ്രത്യേക തീവണ്ടികള് 55 കിമീ വേഗതയില് ഓടിക്കുമെന്നും പ്രത്യേക തീവണ്ടികളുടെ നിരക്ക് ഈടാക്കുമെന്നും റെയില്വെ ബോര്ഡ് അറിയിച്ചു. രാജ്യത്തുടനീളം പതിവായി ഓടുന്ന 600 ലധികം മെയില്, എക്സ്പ്രസ് ട്രെയിനുകള് ഇതിന്റെ പട്ടികയിലുണ്ട്. നിലവില് റെയില് 666 മെയില്/ എക്സ്പ്രസ് പ്രത്യേക തീവണ്ടികളുടെ സേവനം പുനഃരാരംഭിച്ചു. കൂടാതെ, ചില സബര്ബന് തീവണ്ടികളും ഓടുന്നുണ്ട്. ഈ പുതിയ ഉത്സവകാല പ്രത്യേക തീവണ്ടികള് നവംബര് 30 വരെ മാത്രമേ പ്രവര്ത്തിക്കൂ.
മാര്ച്ച് 25 മുതല് രാജ്യവ്യാപകമായി ലോക്ക്ഡൗണ് ഏര്പ്പെടുത്തിയതിനാല് എല്ലാ പാസഞ്ചര് തീവണ്ടി സേവനങ്ങളും റെയില്വെ നിര്ത്തിവെച്ചിരുന്നു. എന്നാല്, മെയ് 1 മുതല് കുടിയേറ്റ തൊഴിലാളികളെ സ്വന്തം സംസ്ഥാനങ്ങളിലെത്താന് സഹായിക്കുന്നതിന് ശ്രമിക് പ്രത്യേക തീവണ്ടികള് ഉപയോഗിച്ച് സേവനങ്ങള് പുനഃരാരംഭിച്ചു.
പിന്നീട്, 230 പ്രത്യേക തീവണ്ടികള് രാജ്യത്തുടനീളം ആരംഭിച്ചു. സെപ്തംബര് 12 മുതല് 80 പ്രത്യേക തീവണ്ടികളും ആരംഭിച്ചു. കൊവിഡ് 19 സ്ഥിതി കണക്കിലെടുത്ത് അധിക തീവണ്ടികള് പ്രഖ്യാപിച്ചു. അടുത്തിടെ അതിന്റെ ശൃംഖലയ്ക്ക് കീഴില് ക്ലോണ് തീവണ്ടികള് പ്രവര്ത്തിപ്പിക്കാന് തുടങ്ങി. കൂടുതല് യാത്രക്കാര് വന്നാല് തുടക്കത്തില് 40 തീവണ്ടികള് റെയില്വെ ശൃംഖലയില് സേവനം നടത്തും.
https://www.facebook.com/Malayalivartha