സര്‍ക്കാര്‍ പരസ്യങ്ങളില്‍ രാഷ്ട്രീയക്കാരുടെ ചിത്രങ്ങള്‍ ഉപയോഗിക്കരുതെന്ന് സുപ്രീംകോടതി. രാഷ്ട്രപതി, പ്രധാനമന്ത്രി, ചീഫ് ജസ്റ്റീസ് എന്നിവരുടെ ചിത്രങ്ങള്‍ അവരുടെ അനുമതിയോടെ പരസ്യങ്ങളില്‍ നല്‍കുന്നതില്‍ തെറ്റില്ലെന്നും കോടതി പറഞ്ഞു. പരസ്യങ്ങള്‍ക്കായുള്ള ഫണ്ട് ദുരുപയോഗം ചെയ്യുന്നില്ലെന്ന് ഉറപ്പുവരുത്താന്‍ മൂന്നംഗ കമ്മിറ്റിയേയും കോടതി നിയോഗിച്ചിട്ടുണ്ട്.

പരസ്യങ്ങളില്‍ രാഷ്ട്രീയക്കാരുടെ ചിത്രങ്ങള്‍ നല്‍കുന്നതിനെതിരെ പ്രമുഖ അഭിഭാഷകനും സാമൂഹ്യ പ്രവര്‍ത്തകനുമായ പ്രശാന്ത് ഭൂഷണും അദ്ദേഹത്തിന്റെ എന്‍ജിഒയും നല്‍കിയ ഹര്‍ജി പരിഗണിച്ചുകൊണ്ടാണ് കോടതി ഉത്തരവ്. രാഷ്ട്രീയനേട്ടങ്ങള്‍ക്കായി ജനങ്ങളില്‍ നിന്നും പിരിച്ചെടുത്ത നികുതി പണം ദുരുപയോഗം ചെയ്യുന്നുവെന്ന് കാട്ടിയായിരുന്നു ഹര്‍ജി.

കേന്ദ്രസംസ്ഥാന സര്‍ക്കാരുകള്‍ പത്രങ്ങളിലും മറ്റും നല്‍കുന്ന പ്രിന്റ് പരസ്യങ്ങള്‍ക്ക് ഉത്തരവ് ബാധകമാകും. പരസ്യങ്ങളില്‍ രാഷ്ട്രീയക്കാരെ ആരാധനാപാത്രങ്ങളായി ചിത്രീകരിക്കുയാണെന്ന നിരീക്ഷണവും കോടതി നടത്തി.സര്‍ക്കാര്‍ പരസ്യങ്ങള്‍ക്കായി മാര്‍ഗരേഖയും കോടതി പുറപ്പെടുവിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha