വേഷത്തിന്റെ കാര്യത്തില്‍ ഒരു വിട്ടുവീഴ്ചയും ഇല്ലാത്ത നേതാവാണ് മോഡി. എന്നാല്‍ മോഡിയെയും കടത്തിവെട്ടി കളക്ടര്‍ എത്തിയാലോ. ചത്തീസ്ഗഢില്‍ പ്രധാനമന്ത്രി നരേന്ദ്ര മോഡി പങ്കെടുത്ത ചടങ്ങില്‍ മോഡേണായി വേഷം ധരിച്ചെത്തിയ ജില്ലാ കലക്ടര്‍ക്ക് പൊതുഭരണ വകുപ്പിന്റെ കാരണം കാണിക്കല്‍ നോട്ടീസ്. ബസ്തര്‍ കലക്ടര്‍ അമിത് കട്ടാരിയയ്ക്കാണ് നോട്ടീസ് ലഭിച്ചത്. കാട്ടാരിയ ഐ.എ.എസ് സര്‍വീസ് ചട്ടം ലംഘിച്ചുവെന്ന് നോട്ടീസില്‍ പറയുന്നു. 2004 ബാച്ചിലെ ഐ.എ.എഫ് ഓഫീസറാണ് കട്ടാരിയ.
മേയ് ഒമ്പതിന് മോഡി ദത്തേവാഡയില്‍ എത്തിയ വേളയിലാണ് മോഡേണായി വേഷം ധരിച്ചും സണ്‍ഗ്ലാസ് വച്ചും കലക്ടര്‍ എത്തിയത്. ചടങ്ങിനെത്തിയ മോഡിയെ ഷേക്ക്ഹാന്‍ഡ് നല്‍കി കട്ടാരിയ സ്വീകരിച്ചിരുന്നു. എന്നാല്‍ കറുത്ത ഗ്ലാസ് ധരിച്ചതും സാധാരണ വസ്ത്രം ധരിച്ചതും ചട്ടങ്ങളുടെ ലംഘനമാണെന്ന് പൊതുഭരണ സ്‌പെഷ്യല്‍ സെക്രട്ടറി അയച്ച കത്തില്‍ പറയുന്നു കട്ടാരിയായുടെ നടപടിയെ സര്‍ക്കാര്‍ ഗൗരവമായാണ് പരിഗണിക്കുന്നത്. ഇത്തരം നടപടി ഭാവിയില്‍ ആവര്‍ത്തിക്കാതിരിക്കാന്‍ അദ്ദേഹത്തിന് മുന്നറിയിപ്പ് നല്‍കുകയാണെന്നും പൊതുഭരണ വകുപ്പ് അധികൃതര്‍ വ്യക്തമാക്കി. 1968ലെ ഓള്‍ ഇന്ത്യ സര്‍വീസസ് പെരുമാറ്റ ചട്ടം സെക്ഷന്‍ (31) ന്റെ ലംഘനമാണ് അദ്ദേഹം നടത്തിയതെന്നാണ് അധികൃതരുടെ നിലപാട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha