അടുത്ത വര്‍ഷമാദ്യം, ഇന്ത്യ തദ്ദേശീയമായി വികസിപ്പിച്ച അസ്ത്ര മിസൈലുകള്‍ തേജസ് യുദ്ധവിമാനത്തില്‍ നിന്നു പരീക്ഷിക്കാന്‍ വ്യോമസേന നടപടിയാരംഭിച്ചു. അസ്ത്രയുടെ അവസാനഘട്ട പരീക്ഷണമായിരിക്കും ഇത്.

ശത്രുസേനയുടെ യുദ്ധവിമാനങ്ങള്‍, മിസൈലുകള്‍ എന്നിവയെ യുദ്ധവിമാനത്തില്‍ നിന്ന് ലക്ഷ്യമിടാന്‍ കെല്‍പുള്ള അസ്ത്ര ഭാവിയില്‍ ഇന്ത്യയുടെ ഏറ്റവും കരുത്തുറ്റ മിസൈലുകളിലൊന്നാകുമെന്ന് സേനാവൃത്തങ്ങള്‍ ചൂണ്ടിക്കാട്ടി.

നിലവില്‍, ഈ വിഭാഗത്തിലുള്ള മിസൈലുകള്‍ ഫ്രാന്‍സ്, റഷ്യ, ഇസ്രയേല്‍ എന്നിവിടങ്ങളില്‍ നിന്ന് ഇറക്കുമതി ചെയ്യുകയാണ്. പ്രതിരോധഗവേഷണ വികസനകേന്ദ്രം (ഡിആര്‍ഡിഒ) വികസിപ്പിച്ച അസ്ത്രയുടെ ദൂരപരിധി 160 കിലോമീറ്ററാണ്.