നിവര്‍ ചുഴലിക്കാറ്റിനെ തുടര്‍ന്ന ചെന്നൈ വിമാനത്താവളം ബുധനാഴച രാത്രി 7 മണിക്ക് അടക്കുമെന്ന് അധികൃതര്‍ അറിയിച്ചു. വ്യാഴാഴച രാവിലെ ഏഴു മണിക്കായിരിക്കും വിമാനത്താവളം വീണ്ടും തുറക്കുക. യാത്രക്കാരുടെ സുരക്ഷയും ചുഴലിക്കാറ്റിന്റെ തീവ്രതയും പരിഗണിച്ചാണ തീരുമാനമെടുത്തതെന്ന് അധികൃതര്‍ അറിയിച്ചിട്ടുണ്ട്. ചുഴലിക്കാറ്റിനെ തുടര്‍ന്ന് ചെന്നൈ വിമാനത്താവളത്തില്‍ നിന്നുള്ള 24ഓളം വിമാനങ്ങള്‍ നേരത്തെ റദ്ദാക്കിയിരുന്നു.

രാത്രികാലത്ത മെട്രോയും ചെന്നൈയില്‍ സര്‍വിസ് നടത്തില്ല. ബുധനാഴ്ച രാത്രി ഏഴ് മണിക്ക് നിര്‍ത്തുന്ന മെട്രോ വ്യാഴാഴ്ച രാവിലെയായിരിക്കും പുനഃരാരംഭിക്കുക. 'നിവര്‍' ചുഴലിക്കാറ്റ് അതിതീവ്രമാകുമെന്നും കനത്ത നാശം വിതക്കാന്‍ സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ നല്‍കിയിരുന്നു. വീടുകള്‍ ഉള്‍പ്പെടെ കെട്ടിടങ്ങള്‍ക്കും കൃഷികള്‍ക്കും ചുഴലിക്കാറ്റ നാശം വിതക്കുമെന്നും മുന്നറിയിപ്പുണ്ടായിരുന്നു.
പുതുച്ചേരിയിലും കാരയ്ക്കലിലുമാകും ഏറ്റവും തീവ്രമായി കാറ്റ് അനുഭവപ്പെടുകയെന്ന് കേന്ദ്ര കാലാവസ്ഥാ വകുപ്പ് ഡയറക്ടര്‍ ജനറല്‍ മൃത്യുഞ്ജയ് മോഹപത്ര പറഞ്ഞു. ഇന്ന് അര്‍ധരാത്രിയോടെയാകും കാരയ്ക്കലിനും മഹാബലിപുരത്തിനും ഇടയിലായി കാറ്റ് തീരം തൊടുക.