സുരേഷ് ഗോപി ദേശീയ ചലച്ചിത്ര വികസന കോര്പ്പറേഷന് ചെയര്മാനാകും
അപ്രതീക്ഷിതമായാണ് നടന് സുരേഷ് ഗോപി ആ വിവരം അറിഞ്ഞത്. സുരേഷ് ഗോപി ദേശീയ ചലച്ചിത്ര വികസന കോര്പ്പറേഷന് ചെയര്മാനാകും. ഇതുസംബന്ധിച്ചു കേന്ദ്രസര്ക്കാരില് നിന്നു സുരേഷ് ഗോപിക്ക് ഉറപ്പു ലഭിച്ചു. ഔദ്യോഗിക വിജ്ഞാപനം ഉടന് വരുമെന്നാണു സൂചന. നിയമനം ലഭിച്ചാല് ഈ പദവിയിലെത്തുന്ന ആദ്യ മലയാളി ആയിരിക്കും സുരേഷ് ഗോപി.
നേരത്തേ തന്നെ ധാരണയായിരുന്ന കാര്യത്തില് അന്തിമ തീരുമാനം പ്രധാമനന്ത്രി വിദേശപര്യടനം കഴിഞ്ഞെത്തിയാല് ഉടന് ഉണ്ടാകുമെന്നായിരുന്നു വാര്ത്തകള്. നടപടികളെല്ലാം ഏതാണ്ട് പൂര്ത്തിയായിക്കഴിഞ്ഞ ഇക്കാര്യത്തില് ഇനി ഉത്തരവ് പുറത്തിറങ്ങുക മാത്രമാണ് ശേഷിക്കുന്ന കാര്യമെന്നാണ് റിപ്പോര്ട്ടുകള്.
ഇന്ത്യന് ചലച്ചിത്ര മേഖലയിലെ പരമോന്നത പദവികളില് ഒന്നായി കണക്കാക്കുന്ന ചലച്ചിത്ര വികസന കോര്പ്പറേഷന് ചെയര്മാന് സ്ഥാനത്തേക്ക് നിയമിതനായാല് ഈ പദവിയിലേക്ക് ഉയരുന്ന ആദ്യ മലയാളിയായി സുരേഷ്ഗോപി മാറും. ഇത്തവണ എന്ഡിഎ സര്ക്കാര് അധികാരത്തില് എത്തിയ ശേഷം കേരളത്തില് നിന്നും ഉയര്ന്ന പദവിയിലേക്ക് നിയുക്തനാകുന്ന ആദ്യ മലയാളി എന്ന പ്രത്യേകത കൂടിയുണ്ട്.
അടുത്തിടെ ബിജെപി അനുഭാവം ശക്തമായി പ്രകടിപ്പിച്ച് രംഗത്ത് വന്നിരുന്ന സുരേഷ്ഗോപി പരിപാടികളില് സജീവമായി പങ്കാളിയാകുകയും സംസ്ഥാന സര്ക്കാരിനെതിരേ തുറന്ന അഭിപ്രായപ്രകടനം നടത്തി രംഗത്ത് വരികയും ചെയ്തിരുന്നു. കഴിഞ്ഞ ലോക്സഭാ തെരഞ്ഞെടുപ്പിന് മുമ്പായി സുരേഷ്ഗോപി നരേന്ദ്രമോഡിയുമായി നടത്തിയ കൂടിക്കാഴ്ചകള് വലിയ വാര്ത്തയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
