തോറ്റു...ഡല്ഹിയില് ബിജെപി വീണ്ടും തോറ്റെന്നു കേജരിവാള്, സര്ക്കാരിന്റെ അധികാരങ്ങള് എടുത്തുമാറ്റി വീണ്ടും തോറ്റു
ഡല്ഹിയില് ബിജെപി വീണ്ടും തോറ്റെന്നു മുഖ്യമന്ത്രി അരവിന്ദ് കേജരിവാള് പറഞ്ഞു. ഉന്നത ഉദ്യോഗസ്ഥ നിയമനങ്ങള്ക്കുള്ള അധികാരം ഗവര്ണര്ക്കു നല്കിക്കൊണ്ടുള്ള കേന്ദ്ര സര്ക്കാര് വിജ്ഞാപനത്തോടു ട്വിറ്ററിലൂടെ പ്രതികരിക്കുകയായിരുന്നു അദ്ദേഹം. ആദ്യം ബിജെപി തെരഞ്ഞെടുപ്പില് തോറ്റു.
ഇപ്പോള് പരിഭ്രാന്തി മൂലം സംസ്ഥാന സര്ക്കാരിന്റെ അധികാരങ്ങള് എടുത്തുമാറ്റി വീണ്ടും തോറ്റിരിക്കുകയാണെന്നും കേജരിവാള് ട്വിറ്ററില് കുറിച്ചു. അരവിന്ദ് കേജ്രിവാളും ലഫ്. ഗവര്ണര് നജീബ് ജങ്ങും തമ്മില് ദിവസങ്ങളായി തുടരുന്ന ഭരണഘടനാപരമായ തര്ക്കത്തിന് അവസാനമിടാനുറച്ച് കേന്ദ്രം രംഗത്ത് വന്നു. മുഖ്യമന്ത്രിയുടേയും ഗവര്ണറുടേയും അധികാരങ്ങള് വ്യക്തമാക്കിക്കൊണ്ട് കേന്ദ്ര ആഭ്യന്തര മന്ത്രാലയം വിജ്ഞാപനമിറക്കി. വിജ്ഞാപനം അനുസരിച്ച് കേന്ദ്ര സര്വീസിലേക്കുള്ള ഉദ്യോഗസ്ഥരുടെ നിയമനവും സ്ഥാനമാറ്റവും മറ്റും നടത്താനുള്ള അധികാരം ലെഫ്റ്റനന്റ് ഗവര്ണറിനാണ്.
കേജ്രിവാളും ജങ്ങും തമ്മിലുള്ള പോര് മുറുകിയതിനെ തുടര്ന്ന് പ്രധാനമന്ത്രി നരേന്ദ്ര മോഡി ഇടപെട്ടതോടെയാണ് മന്ത്രാലയം വിജ്ഞാപനം ഇറക്കിയത്. ഈ വിഷയത്തില് പ്രധാനമന്ത്രിയും ആഭ്യന്തരമന്ത്രിയും തമ്മില് വ്യാഴാഴ്ച വൈകിട്ട് രണ്ട് തവണ കൂടിയാലോചനകള് നടത്തിയിരുന്നു. ലഫ്. ഗവര്ണറിലൂടെ ഡല്ഹിയുടെ ഭരണം നടത്താന് കേന്ദ്രസര്ക്കാര് നീക്കം നടത്തുകയാണെന്ന് കുറ്റപ്പെടുത്തി അരവിന്ദ് കേജ്രിവാള് പ്രധാനമന്ത്രി നരേന്ദ്ര മോദിക്ക് കത്തെഴുതിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
