അമിതാഭ് ചിത്രത്തിന്റെ ഷൂട്ടിങ്ങിനിടെ മുംബൈ ഫിലിം സിറ്റിയില് വെടിവയ്പ്; രണ്ടുപേര്ക്കു പരിക്ക്
ബോളിവുഡ് സൂപ്പര് താരം അമിതാഭ് ബച്ചന് അഭിനയിക്കുന്ന ചിത്രത്തിന്റെ ചിത്രീകരണത്തിനിടെ മുംബൈ ഫിലിം സിറ്റിയില് വെടിവയ്പ്. സംഭവത്തില് രണ്ടുപേര്ക്കു പരിക്കേറ്റു.
ഇതില് രാജു ഷിന്ഡെയെന്നയാളുടെ നില ഗുരുതരമാണ്. ബൈക്കിലെത്തിയ രണ്ടംഗ സംഘമാണു വെടിവച്ചത്. ഇവര് മൂന്നുറൗണ്ടു വെടിവച്ചു.
അമിതാഭ് ബച്ചനടക്കം 20 ലധികം താരങ്ങള് ഷൂട്ടിംഗുമായി ബന്ധപ്പെട്ടു ഫിലിംസിറ്റിയിലുണ്ടായിരുന്ന സമയത്താണ് വെടിവയ്പുണ്ടായത്. ഇവര് നിന്ന സ്ഥലത്തു നിന്നും 20 അടി അകലെയാണ് വെടിവയ്പുണ്ടായത്. ഇക്കാര്യം അമിതാഭ് ബച്ചന് ട്വീറ്റ് ചെയ്തപ്പോഴാണു സംഭവം പുറത്തറിയുന്നത്.
ഒരാള് മരിച്ചെന്നാണ് അമിതാഭ് ബച്ചന്റെ ട്വീറ്റ്. എന്നാല് മരണവിവരം ഔദ്യോഗികമായി സ്ഥിരീകരിച്ചിട്ടില്ല.
മോട്ടോര് സൈക്കിളിലെത്തിയ രണ്ട് അക്രമികള് ഓഫീസിന് പുറത്ത് ഇരുന്ന സുരക്ഷാ കരാറുകാരനായ രാജുവിന്റെ വയറ്റിലേക്ക് മൂന്ന് തവണ വെടി വച്ച ശേഷം രക്ഷപെടുകയായിരുന്നു. സ്ഥലത്തുണ്ടായിരുന്ന മറ്റ് സുരക്ഷാ ജീവനക്കാര് അക്രമികളെ പിന്തുടര്ന്നെങ്കിലും അവര് വാഹനം ഉപേക്ഷിച്ച് കാട്ടുവഴികളിലൂടെ ഓടി രക്ഷപെട്ടു. രാജുവിനെ മലാഡിലുള്ള ലൈഫ്ലൈന് ആശുപത്രിയില് എത്തിച്ചെങ്കിലും രക്ഷിക്കാനായില്ലെന്ന് പൊലീസ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
