സാധാരണക്കാരുടെ ദൈവമായി മാറിയിരിക്കുകയാണ് പ്രധാനമന്ത്രി നരേന്ദ്ര മോഡി. എവിടെയും എന്തിനും ഏത് പ്രശ്‌നത്തിനും സഹായവുമായി മോഡിയുടെ കൈകളെത്തുന്നു. മോഡി സര്‍ക്കാര്‍ അധികാരമേറ്റിട്ട് ഇപ്പോള്‍ ഒരു വര്‍ഷമാകുന്നു. ഈ ഒരു വര്‍ഷത്തിനിടയില്‍ പാവപ്പെട്ടവരുടെ കണ്ണീരോപ്പാന്‍ മോഡി മുന്നോട്ട് വന്നു. മോഡി ചെയ്ത സഹായം ഒരിക്കലും മറക്കാന്‍ പറ്റില്ലെന്ന് പറഞ്ഞ് കൊണ്ട് മീറെറ്റിലെ സാധാരണക്കാരനായ ഒരു അദ്ധ്യാപകന്‍ രംഗത്ത് വന്നു. മോഡിയെ കുറിച്ച് തനിക്ക് പറയാന്‍ വാക്കുകളിലെന്നാണ് ഈ അദ്ധ്യാപകന്‍ പറയുന്നത്.
തന്റെ ജീവിതാനുഭവം ചൂണ്ടിക്കാട്ടി മോഡി സര്‍ക്കാരിനെ ഉയര്‍ത്തി പിടിക്കുകയാണ് ഈ അദ്ധ്യാപകന്റെ കുടുംബം. സഹോദിമാരുടെ വിവാഹം നടത്താന്‍ പണമില്ലാതെ അലഞ്ഞ് നടക്കുമ്പോഴാണ് മോഡി സര്‍ക്കാര്‍ തന്നെ സഹായിച്ചതെന്ന് മന്‍ജിത് സിങ് എന്ന അദ്ധ്യാപകന്‍ പറയുന്നു.

വിവാഹം നടത്താന്‍ വഴിയില്ലാത്തതിനാല്‍ പ്രധാനമന്ത്രിയെ സമീപിക്കാന്‍ ഈ കുടുംബം തീരുമാനിക്കുകയായിരുന്നു. ജാട്പുര വില്ലേജിലെ സാധാരണക്കാരായ കുടുംബമാണ് മന്‍ജിത് സിങ്ങിന്റെത്. മന്‍മോഹന്‍ സിംഗായിരുന്നു അന്ന് പ്രധാനമന്ത്രിയായിരുന്നത്. രണ്ടായിരം രൂപ മാസശമ്പളമുള്ള മന്‍ജിത്തിന് സഹോദരിമാരുടെ വിവാഹത്തിന് ആവശ്യമായ തുക കണ്ടെത്തുന്നതിനുള്ള ബുദ്ധിമുട്ടുകള്‍ വിവരിച്ചാണ് പ്രധാനമന്ത്രിയ്ക്ക് കത്തെഴുതിയത്. പക്ഷെ ഫലം കണ്ടില്ല.
നല്ലൊരു ഉദ്യോഗമോ ധനസഹായമോ ആണ് ഈ കുടുംബം പ്രതീക്ഷിച്ചത്. എന്നാല്‍ രണ്ട് മാസത്തിന് ശേഷമായിരുന്നു മന്മോഹന്‍സിംഗിന്റെ ഓഫീസ് ഈ കത്ത് കണ്ടത്. ഈ കത്ത് യൂപി ചീഫ് സെക്രട്ടറിക്ക് അയച്ചു കൊടുത്തു. മന്‍ജിത്തിന്റെ കുടുംബത്തിന്റെ സാമ്പത്തിക സ്ഥിതിയുടെ യാഥാര്‍ത്ഥ്യം പരിശോധിക്കാനായിരുന്നു നിര്‍ദ്ദേശം. എന്നാല്‍ ആറു മാസമെടുത്തു ഈ ഫയല്‍ ചീഫ് സെക്രട്ടറിയുടെ ഓഫീസില്‍ നിന്ന് നീങ്ങാന്‍. അങ്ങനെ ജില്ലാ മജിസ്‌ട്രേട്ടിന്റെ ഓഫീസില്‍ ഈ അപേക്ഷയെത്തി.
അപ്പോഴേക്ക് കേന്ദ്രത്തില്‍ മോഡി സര്‍ക്കാര്‍ അധികാരത്തിലെത്തിയിരുന്നു. ഇതിനിടെയില്‍ ഡിസംബര്‍ 17ന് ജില്ലാ ഭരണകൂടം മന്‍ജിത്തിന്റെ കാര്യത്തില്‍ യഥാര്‍ത്ഥ റിപ്പോര്‍ട്ട് നല്‍കി. മന്‍ജിത്തിന് തന്നെ ആശ്വാസകരമായ തീരുമാനമാണ് ഒടുവില്‍ സര്‍ക്കാര്‍ നല്‍കിയത്. അങ്ങനെ മോഡി സര്‍ക്കാരിന്റെ വക 50,000 രൂപയുടെ ചെക്ക് മന്‍ജിത്തിന് കിട്ടി. അതിനൊപ്പം പ്രധാനമന്ത്രി മോഡിയുടെ കത്തുമുണ്ടായിരുന്നു. സഹോദരിമാര്‍ക്കുള്ള വിവാഹാശംസയായിരുന്നു അത്. ഒരിക്കലും മറക്കില്ല മോഡിയുടെ ഈ സഹായമെന്നും മന്‍ജിത്ത് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha