രാജ്യത്തെ എല്ലാ പൊതുമേഖലാ സ്ഥാപനങ്ങളിലും പ്രധാനമന്ത്രി നരേന്ദ്രമോഡിയുടെ ചിത്രം നിര്‍ബന്ധമായും സ്ഥാപിക്കാന്‍ കേന്ദ്രസര്‍ക്കാര്‍ നിര്‍ദേശം. രാഷ്ട്രപതിയുടെ ചിത്രത്തിനൊപ്പം പ്രധാനമന്ത്രിയുടെ ചിത്രവും വയ്ക്കണമെന്നാണ് വിവിധ മന്ത്രാലയങ്ങള്‍ സര്‍ക്കുലര്‍ പുറത്തിറക്കിയത്. മോഡി സര്‍ക്കാരിന്റെ ഒന്നാം വാര്‍ഷികം ആഘോഷിക്കുന്ന വേളയിലാണ് വിവാദമായേക്കാവുന്ന തീരുമാനവുമായി കേന്ദ്രം രംഗത്തത്തെിയിരിക്കുന്നത്.
രാജ്യത്തെ പ്രതിരോധ ഓഫിസുകളില്‍ രാഷ്ട്രപതിയുടെ ചിത്രം സ്ഥാപിക്കുന്നത് സാധാരണയാണ്. അതുപോലെ രാഷ്ട്രപിതാവ് മഹാത്മാ ഗാന്ധി, ഭരണഘടനാ ശില്‍പി ബി.ആര്‍.അംബേദ്കറുടെ ചിത്രവും കേന്ദ്രസര്‍ക്കാര്‍ ഓഫിസുകളില്‍ വയ്ക്കാറുണ്ട്. ഇതു പോലെ പ്രധാനമന്ത്രിയുടെ ചിത്രവും ഓഫിസുകളില്‍ വേണമെന്നാണു പുതിയ നിര്‍ദേശം.
പ്രധാന ഉദ്യോഗസ്ഥരുടെ മുറികളിലും കോണ്‍ഫറന്‍സ് ഹാളിലും മോദിയുടെ ചിത്രം സ്ഥാപിക്കണം. സ്ഥാപിക്കേണ്ട ചിത്രത്തിന്റെ മാതൃകയും ഫ്രെയിമിന്റെ വലുപ്പവുമടക്കം സര്‍ക്കുലറില്‍ സൂചിപ്പിച്ചിട്ടുണ്ട്. കൃത്യമായ തീയതി നല്‍കിയിട്ടില്ലെങ്കിലും എത്രയും പെട്ടെന്ന് ഇക്കാര്യത്തില്‍ നടപടികള്‍ കൈകൊള്ളണമെന്നും റിപ്പോര്‍ട്ട് സമര്‍പ്പിക്കണമെന്നും ഉത്തരവില്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha