എല്ലാം നിറവേറ്റിയതിന്റെ സന്തോഷത്തിലാണ് പ്രധാനമന്ത്രി നരേന്ദ്ര മോഡി ഇപ്പോള്‍. ഒരു വര്‍ഷം പൂര്‍ത്തിയാക്കുന്ന എന്‍ഡിഎ സര്‍ക്കാരിന്റെ പ്രവര്‍ത്തനങ്ങള്‍ വിശദീകരിച്ച് മോഡിയുടെ തുറന്ന് കത്ത്. ഇന്ത്യന്‍ ജനതയ്ക്കായി എല്ലാം ചെയ്യാന്‍ സാധിച്ചുവെന്നാണ് കത്തില്‍ പ്രധാനമായി പറയുന്നത്. സേവനമാണ് തന്റെ പരമമായ കര്‍ത്തവ്യം.

ഒരു വര്‍ഷം മുന്‍പ് നിങ്ങളെന്നില്‍ ഈ വിശ്വാസം അര്‍പ്പിച്ച് എന്നെ രാജ്യത്തിന്റെ പ്രധാന സേവകനാക്കി. ഒരു ദിവസത്തിലെ ഓരോ നിമിഷവും എന്റെ ശരീരവും ആത്മാവും അത് നിറവേറ്റാനാണ് ശ്രമിക്കുന്നതെന്ന് സത്യസന്ധമായി ഞാന്‍ പറയുന്നുവെന്ന ആമുഖത്തോടെയാണ് കത്തിന്റെ തുടങ്ങിയിരിക്കുന്നത്. ഇന്ത്യയിലെ ഓരോ ജനതയുടെയും സഹകരണം കൂടിയാണ് ഇത്രയും ഉയരങ്ങളില്‍ എത്താന്‍ സാധിച്ചതെന്നും മോഡി പറയുന്നു.
ഇന്ത്യന്‍ സമ്പദ്‌വ്യവസ്ഥ തളര്‍ച്ചയുടെ വക്കിലെത്തിയ സമയത്താണ് എന്‍ഡിഎ സര്‍ക്കാര്‍ അധികാരമേറ്റതെന്നും കത്തില്‍ പറയുന്നു. പണപ്പെരുപ്പവും സാമ്പത്തിക അരക്ഷിതാവസ്ഥയും മൂലം ഇന്ത്യന്‍ ജനത അവശതയിലെത്തിയിരുന്നു. എന്നാല്‍ എന്‍ഡിഎ സര്‍ക്കാര്‍ അധികാരമേറ്റ ഉടന തന്നെ പണപ്പെരുപ്പം നിയന്ത്രണവിധേയമാക്കി. തളര്‍ന്നു കൊണ്ടിരുന്ന സമ്പദ്‌വ്യവസ്ഥയെ ഉയര്‍ച്ചയിലേക്കെത്തിച്ചു. കള്ളപ്പണത്തിനെതിരെ ശക്തമായി ബില്‍ കൊണ്ടുവന്നു. അഴിമതിമുക്തമായ സര്‍ക്കാര്‍ എന്നു ജനങ്ങള്‍ക്ക് നല്‍കിയ വാഗ്ദാനം നിറവേറ്റി. മാത്രമല്ല ഏറ്റവും പ്രധാനമായി ജനങ്ങള്‍ക്ക് സര്‍ക്കാരിലുണ്ടായിരുന്ന വിശ്വാസം വീണ്ടെടുക്കാനായി.
ദാരിദ്ര്യ നിര്‍മാജനത്തിനായി സര്‍ക്കാര്‍ കൂട്ടായ പ്രവര്‍ത്തനം നടത്തി. ജനങ്ങള്‍ക്കായി ഒട്ടേറെ പദ്ധതികള്‍ നടപ്പാക്കി. ഇതൊരു തുടക്കം മാത്രമാണ്. കൂടുതല്‍ മെച്ചപ്പെട്ട ജീവിതവും അടിസ്ഥാന സൗകര്യങ്ങളും ജനങ്ങള്‍ക്ക് നല്‍കുകയാണ് ഞങ്ങളുടെ ലക്ഷ്യം. നിങ്ങള്‍ സ്വപ്നം കണ്ട പോലൊരു ഇന്ത്യയെ നമുക്കൊരുമിച്ചു പടുത്തുയര്‍ത്താം. അതിനായി ഞാന്‍ നിങ്ങളുടെ അനുഗ്രഹവും പിന്തുണയും ആവശ്യപ്പെടുകയാണെന്നും പറഞ്ഞുകൊണ്ടാണ് മോഡി കത്ത് അവസാനിപ്പിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha