ഗോവധ നിരോധനത്തേയും ഘര്വാപ്പസിയേയും വിമര്ശിച്ച മദ്രാസ് ഐഐടിയിലെ വിദ്യാര്ത്ഥി കൂട്ടായ്മയ്ക്ക് വിലക്ക്
നരേന്ദ്ര മോഡി സര്ക്കാരിനെ വിമര്ശിക്കുന്നുവെന്ന് ആരോപിച്ച് ഐഐടി മദ്രാസിലെ വിദ്യാര്ത്ഥി ഡസ്കഷന് ഫോറത്തെ നിരോധിച്ചു. അംബ്ദേക്കര് പെരിയാര് സ്റ്റുഡന്റ്സ് സര്ക്കിളിനാണ്(എപിഎസ്സി) കേന്ദ്ര മാനവവിഭവശേഷി വകുപ്പിന്റെ ഇടപെടലിനെത്തുടര്ന്ന് ഐഐടി മദ്രാസ് അധികൃതര് വിലക്ക് ഏര്പ്പെടുത്തിയിരിക്കുന്നത്. ഹിന്ദി ഭാഷ ഉപയോഗം, ഗോവധ നിരോധനം തുടങ്ങിയവയുമായി ബന്ധപ്പെട്ട സര്ക്കാര് നയങ്ങള്ക്കെതിരെ പട്ടികജാതിപട്ടികവര്ഗ വിദ്യാര്ത്ഥികളെ അണിനിരത്തി വിദ്യാര്ത്ഥി കൂട്ടായ്മ പ്രധാനമന്ത്രി നരേന്ദ മോഡിക്കെതിരെ വിദ്വേഷം പരത്തുന്നുവെന്ന് ആരോപിച്ചാണ് നടപടി.
ഐഐടി ക്യാംസിലെ എപിഎസ്സി കൂട്ടായ്മയുടെ പരിപാടികള്ക്കെതിരെ ലഭിച്ച പരാതിയെക്കുറിച്ച് കേന്ദ്രമാനവ വിഭവശേഷി മന്ത്രാലയം ഐഐടി മദ്രാസ് അധികൃതര്ക്ക് കത്തെഴുതിയിരുന്നു. പരാതിയുടെ അടിസ്ഥാനത്തില് അന്വേഷണവും നടന്നു. ഇതിന്റെ അടിസ്ഥാനത്തിലാണ് നടപടി. എന്നാല് ആരാണ് പരാതി നല്കിയതെന്ന് വ്യക്തമല്ല. അജ്ഞാത പരാതി ലഭിച്ചെന്നാണ് കേന്ദ്രം പറയുന്നത്. മോഡി സര്ക്കാരിനേയും നയങ്ങളെയും വിമര്ശിച്ചുള്ള എപിഎസ് സിയുടെ ലഘുലേഖ അടക്കമായിരുന്നു പരാതി ലഭിച്ചതെന്ന് കേന്ദ്രമാനവ വിഭവശേഷി മന്ത്രാലയ സെക്രട്ടറി പ്രിസ്ക മാത്യൂ ഐഐടി ഡയറക്ടര്ക്ക് അയച്ച കത്തില് പറയുന്നു. മെയ് 15നാണ് ഈ കത്തയച്ചത്.
\'ഹിന്ദുത്വ അജണ്ടയുമായി മുന്നോട്ടുപോകുന്ന മോഡി സര്ക്കാര് രാജ്യാന്തര കോര്പ്പറേറ്റുകള്ക്ക് ഇന്ത്യയെ കൊള്ളയടിക്കാനുള്ള അവസരമൊരുക്കി നല്കുന്നു...പൊതുജനത്തെ വര്ഗീയമായി ധ്രുവീകരിക്കാനാണ് ഗോവധ നിരോധനവും ഘര്വാപ്പസി ക്യാംപെയിനുകളും\' എന്നായിരുന്നു ലഘുലേഖയിലെ പരാമര്ശം.
മെയ് 24നാണ് കൂട്ടായ്മയുടെ അംഗീകാരം റദ്ദാക്കുന്നുവെന്ന് കാട്ടി ഐഐടി ഡീന് ശിവകുമാര് എം ശ്രീനിവാസന് എപിഎസ്സിക്ക് ഇമെയില് അയച്ചത്. ഇതേസമയം കൂട്ടായ്മക്കെതിരെ ഹിന്ദുത്വ സംഘടനകള് നല്കിയ പരാതിയെ തുടര്ന്നാണ് വിലക്ക് ഏര്പ്പെടുത്തിയതെന്ന് എപിഎസ്സി ആരോപിക്കുന്നു. തങ്ങളുടെ ഭാഗം വിശദീകരിക്കാന് സമയം നല്കിയില്ലെന്നും കൂട്ടായ്മയ്ക്ക് പരാതിയുണ്ട്. എങ്ങനെയാണ് അജ്ഞാത പരാതി ഐഐടി മദ്രാസ്സിലെ ഭൂരിപക്ഷത്തിന്റെ അഭിപ്രായമാകുന്നുതെന്നും എപിഎസ്സി അംഗങ്ങള് ചോദിക്കുന്നു. ഐഐടി നിയമങ്ങള് ലംഘിച്ച് കൂട്ടായ്മ പ്രവര്ത്തിച്ചിട്ടില്ലെന്നും അവര് കൂട്ടിചേര്ത്തു.
ബി ആര് അംബ്ദേക്കറുടേയും പെരിയാറിന്റേയും ആശയങ്ങള് പ്രചരിപ്പിക്കുകയെന്ന ലക്ഷ്യത്തോടെ 2014 ഏപ്രില് 14നാണ് എപിഎസ്സി ഐഐടി ക്യാംപസില് രൂപീകരിച്ചത്. സാമൂഹികസാമ്പത്തിക വിഷയങ്ങളില് കൂട്ടായ്മ ക്യാംപസിനകത്ത് സ്ഥിരം ചര്ച്ചകള് സംഘടിപ്പിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
