ഭണ്ഡാര പെട്ടിയില് നിന്ന് ലക്ഷങ്ങള് മോഷണം പോയി; അന്വേഷണം നടക്കുന്നതിനിടെ സംഭവിച്ചത് ഞെട്ടിക്കുന്ന കാര്യം ;അന്തം വിട്ട് നാട്ടുകാർ
ഭണ്ഡാര പെട്ടിയില് നിന്ന് ലക്ഷങ്ങള് മോഷ്ടിച്ച് കള്ളന് . എന്നാൽ കുറ്റബോധം കള്ളനെ തളർത്തി. പകുതി പണം തിരികെ ഇട്ടു. രാജസ്ഥാനിലെ നഗൗര് ജില്ലയിലാണ് സംഭവം . രണ്ട് ലക്ഷം രൂപയായിരുന്നു ദര്ഗയിലെ ഭണ്ഡാരപ്പെട്ടിയില് നിന്ന് മോഷ്ടിച്ചത് . ഇതില് ഒരു ലക്ഷം രൂപ മോഷണം നടന്ന് ഒരു മാസത്തിനു ശേഷം മോഷ്ടാവ് തിരികെ നല്കി. ജില്ലയിലെ ഹസ്രത്ത് സമന് ദിവാന് ദര്ഗയിലാണ് മോഷണം നടന്നത്. ഭണ്ഡാരപ്പെട്ടി കുത്തി തുറന്നായിരുന്നു കവര്ച്ച നടത്തിയത്. ഡിസംബര് 17 ന് രാത്രിയായിരുന്നു മോഷണം.
ഭണ്ഡാരപ്പെട്ടിയിലുണ്ടായിരുന്ന രണ്ട് ലക്ഷത്തോളം രൂപ മോഷണം പോയി. സംഭവത്തില് കേസെടുത്ത് പൊലീസ് അന്വേഷണം ആരംഭിച്ചു . എങ്കിലും മോഷ്ടാക്കളെ കുറിച്ച് യാതൊരു സൂചനയും ലഭിച്ചിരുന്നില്ല. ദര്ഗയിലെ സിസിടിവി ക്യാമറയും പ്രവര്ത്തിക്കുന്നുണ്ടായിരുന്നില്ല. ഇതിനിടയിലാണ് ഒരു ലക്ഷം രൂപ വീണ്ടും ദര്ഗയില് പ്രത്യക്ഷപ്പെട്ടത്. കഴിഞ്ഞ തിങ്കളാഴ്ച്ച രാവിലെ ദര്ഗയിലെത്തിയ വിശ്വാസികളാണ് ഒരു ലക്ഷത്തോളം രൂപയുടെ നോട്ടുകെട്ടുകള് ദര്ഗയില് ആദ്യം കണ്ടത്. 93,514 രൂപയാണ് ഉണ്ടായിരുന്നത്. തുടര്ന്ന് നടത്തിയ അന്വേഷണത്തില് ദര്ഗയില് നിന്നും മോഷണം പോയ അതേ നോട്ടുകളാണ് ഇതെന്ന് മനസ്സിലായി. ദര്ഗ അധികൃതര് പൊലീസിനെ വിവരം അറിയിച്ച് പണം കൈമാറി.
https://www.facebook.com/Malayalivartha