കമലഹാസന് കോണ്ഗ്രസ് ഡി.എം.കെ സഖ്യത്തിലേക്ക്?..കമല്ഹാസന്റെ പാര്ട്ടിയെ സഖ്യത്തിലേക്ക് ക്ഷണിച്ച് കോണ്ഗ്രസ്; നന്ദി, നിലപാട് പിന്നീട് അറിയിക്കാമെന്ന് കമല്ഹാസന്; ഡി എം കെ- കോണ്ഗ്രസ് സംഖ്യത്തിലേക്ക് കമലിനെ ആദ്യം സ്വാഗതം ചെയ്തത് കാര്ത്തി ചിദംബരം
തമിഴ്നാട്ടില് നിയമസഭാ തിരഞ്ഞെടുപ്പിന് മുന്നോടിയായിയുള്ള സഖ്യ ചര്ച്ചകള് പുരോഗമിക്കുകയാണ്. നടന് കമല്ഹാസന്റെ പാര്ട്ടിയായ മക്കള് നീതി മയ്യത്തെ ഡി എം കെ- കോണ്ഗ്രസ് സംഖ്യത്തിലേക്ക് കോണ്ഗ്രസ് സ്വാഗതം ചെയ്തിയിരുന്നു. കോണ്ഗ്രസ് നേതാവ് കാര്ത്തി ചിദംബരമാണ് ആദ്യം കമലഹാസനെ സ്വാഗതം ചെയ്ത്. ഇതിന് പിന്നാലെ പ്രതികരണവുമായി കമലഹാസന് രംഗത്ത് വന്നു. ക്ഷണത്തിന് നന്ദി പറഞ്ഞ താരം കോണ്ഗ്രസുമായി സഖ്യമുണ്ടാക്കുന്ന കാര്യം പിന്നീട് തീരുമാനിക്കാമെന്നും പ്രതികരിച്ചു.
കാര്ത്തി ചിദംബരത്തിന്റെ പ്രതികരണത്തിന് പിന്നാലെ മതനിരപേക്ഷ നിലപാട് സ്വീകരിക്കുന്ന കമലും പാര്ട്ടിയും കോണ്ഗ്രസിനൊപ്പം പ്രവര്ത്തിക്കണം എന്ന നിലപാടുമായി തമിഴ്നാട് കോണ്ഗ്രസ് കമ്മിറ്റി പ്രസിഡന്റ് കെഎസ് അഴഗിരി രംഗത്തെത്തിയത്.
എന്നാല് അദ്ദേഹത്തിന്റെ ക്ഷണത്തിന് നന്ദി പറഞ്ഞ കമല് ഇപ്പോള് സഖ്യം സംബന്ധിച്ച തീരുമാനമെടുക്കാന് സമയമായിട്ടില്ലെന്നും വ്യക്തമാക്കി. സംസ്ഥാനമൊട്ടാകെ പര്യടനം നടത്തി തമിഴ്നാട്ടില് തങ്ങളുടെ ശക്തി കാട്ടാനാണ് മക്കള് നീതി മയ്യം ഇപ്പോള് ശ്രമം നടത്തുന്നത്.
ഡി.എം.കെയ്ക്കൊപ്പം സഖ്യരൂപീകരണത്തിന് തയ്യാറാവില്ലെന്ന് കഴിഞ്ഞ ലോകസഭ തിരഞ്ഞെടുപ്പില് തന്നെ കമല് വ്യക്തമാക്കിയിരുന്നു. സംസ്ഥാനത്തെ മറ്റൊരു പ്രമുഖ ദ്രാവിഡ കക്ഷിയായ എ.ഐ.എ.ഡി.എം.കെയുമായും ചങ്ങാത്തം കൂടാന് അദ്ദേഹം തയ്യാറല്ല. അതേസമയം, ഡി.എം.കെയുമായുളള സഖ്യം ഉപേക്ഷിക്കാന് കോണ്ഗ്രസും തയ്യാറല്ല.
https://www.facebook.com/Malayalivartha