ട്രാക്ടര് റാലിക്കിടെ മരിച്ചത് വിവാഹാഘോഷത്തിനായി ഓസ്ട്രേലിയയില് നിന്നെത്തിയ യുവാവ്
കാര്ഷിക നിയമങ്ങള്ക്കെതിരെ ഡല്ഹിയില് റിപ്പബ്ലിക് ദിനത്തില് നടന്ന കര്ഷകരുടെ ട്രാക്ടര് റാലിക്കിടെ മരിച്ചത് 27 കാരന്. ഉത്തര്പ്രദേശിലെ രാംപുര് സ്വദേശിയായ നവരീത് സിംഗ് ആണ് മരിച്ചത്. അടുത്തിടെ ഓസ്ട്രേലിയയില് വെച്ചായിരുന്നു നവനീതിന്റെ വിവാഹം. ഉന്നതവിദ്യാഭ്യാസത്തിനായാണ് നവനീത് ഓസ്ട്രേലിയയിലേക്ക് പോയത്. ബന്ധുക്കള് ആവശ്യപ്പെട്ടതനുസരിച്ചാണ് കര്ഷക സമരത്തില് പങ്കെടുത്തതെന്നാണ് വിവരം.
പൊലീസ് വെടിവെയ്പിലാണ് നവനീത് കൊല്ലപ്പെട്ടതെന്ന് കര്ഷകര് ആരോപിക്കുമ്ബോള് ട്രാക്ടര് മറിഞ്ഞാണ് മരിച്ചതെന്ന് പൊലീസ് പറയുന്നു. ട്രാക്ടര് കീഴ്മേല് മറിഞ്ഞു സാരമായി പരുക്കേറ്റാണ് മരണമെന്നും പോസ്റ്റുമോര്ട്ടത്തില് ഇക്കാര്യം വ്യക്തമാണെന്നുമാണ് യു.പി.പൊലീസ് വ്യക്തമാക്കുന്നത്. അതിനിടെ, കൊല്ലപ്പെട്ട കര്ഷകനെയും പ്രതിചേര്ത്ത് സംഭവത്തില് ഡല്ഹി പൊലീസ് കേസെടുത്തു. ട്രാക്ടര് പരേഡ് സംഘര്ഷത്തിലേക്ക് വഴിമാറിയതില് അസ്വാഭാവികത ഉണ്ടെന്നാണ് ചില കര്ഷക സംഘടനകളുടെ ആരോപണം. കര്ഷകര് തെറ്റായ റൂട്ടിലൂടെ മാര്ച്ച് ചെയ്തത് പൊലീസ് ഉണ്ടാക്കിയ ആശയക്കുഴപ്പം മൂലമാണ്. സംഘര്ഷത്തില് സംഘടനകള്ക്ക് പങ്കില്ലെന്നും നേതാക്കള് വ്യക്തമാക്കി.
https://www.facebook.com/Malayalivartha
