ഒമ്പത് വര്‍ഷമായി ആണ്‍കുട്ടികള്‍ക്കു വേണ്ടിയുളള അഭയകേന്ദ്രത്തില്‍ കഴിഞ്ഞുവന്നിരുന്ന രാഹുലിന്റെ ജീവിതത്തിന് ഇനി രക്ഷിതാക്കളുടെ തണലുണ്ട്. പതിനെട്ടാം വയസ്സില്‍ ഈ ചെറുപ്പക്കാരന്റെ അനാഥത്വം അവസാനിച്ചു! ജാംനഗറിലെ മാവ്ജ കതേശിയ എന്ന കോടിപതി വ്യാപാരി തന്നെ ദത്തെടുത്തത് രാഹുലിന് ഇനിയും വിശ്വസിക്കാനായിട്ടില്ല.

തന്റെ മുപ്പത് വര്‍ഷത്തെ ദാമ്പത്യത്തില്‍ ഒരു കുഞ്ഞു പിറക്കാതിരുന്നതിനെ തുടര്‍ന്നാണ് രാഹുലിന്റെ ജീവിതം മാറ്റിമറിക്കാനായി മാവ്ജയും ഭാര്യയും എത്തിയത്. ജാംഗനഗറില്‍ അഞ്ച് കോടി രൂപയുടെ വിറ്റുവരവുളള പ്രമുഖ പിത്തള വ്യാപാരിയാണ് മാവ്ജ.

തനിക്കും ഭാര്യയ്ക്കും വാര്‍ധക്യത്തില്‍ ഒരു കൈത്താങ്ങാവാനും തന്റെ വ്യവസായ സ്ഥാപനം മുന്നോട്ടു കൊണ്ടുപോകാന്‍ കഴിവുളളതുമായ പ്രായപൂര്‍ത്തിയായ ഒരു മകനെ ദത്തെടുക്കണമെന്നാണ് മാവ്ജ ആഗ്രഹിച്ചത്. അങ്ങനെയിരിക്കെ രാഹുലിനെ കുറിച്ച് അറിയുകയും ദത്തെടുക്കാനുള്ള ആഗ്രഹം പ്രകടിപ്പിക്കുകയുമായിരുന്നു. ദത്തെടുക്കല്‍ നടപടിക്രമങ്ങള്‍ പൂര്‍ത്തിയായാല്‍ അടുത്ത ആഴ്ച രാഹുല്‍ തന്റെ രക്ഷിതാക്കളോടൊപ്പം പുതിയ വീട്ടിലേക്ക് മാറും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha