അമ്മയുടെ അവിഹിതം മകനെ കൊലപാതകിയാക്കി. ഒട്ടേറെ തവണ താക്കീത് നല്‍കിയിട്ടും അമ്മ വഴങ്ങാതിരുന്നതാണ് പ്രശ്‌നങ്ങള്‍ക്ക് കാരണം. അമ്മയുടെ കാമുകനെ കൊലപ്പെടുത്തിയതിന് 15കാരനെയും സുഹൃത്തിനെയും പോലീസ് പിടികൂടി. പൂനെ സ്വദേശിയായ ദിനേഷ് ജാദവ് എന്ന 40കാരനെയാണ് 15കാരായ രണ്ടു കുട്ടികള്‍ കൊലപ്പെടുത്തിയത്.
കഴിഞ്ഞ തിങ്കളാഴ്ച വൈകുന്നേരമാണ് ദിനേഷിനെ ഗുരുതര പരുക്കുകളോടെ കണ്ടെത്തിയത്. ഉടന്‍ തന്നെ സൂറത്തിലെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ദിനേഷിനെ കുത്തി പരുക്കേല്‍പ്പിച്ച ശേഷം 15കാരായ ഇരു പ്രതികളും സ്ഥലം വിടുകയായിരുന്നു. അടുത്ത ദിവസം തന്നെ ഇരുവരെയും പോലീസ് പിടികൂടി.
പ്രതികളില്‍ ഒരാളുടെ അച്ഛന്‍ കുറച്ച് വര്‍ഷങ്ങള്‍ മുമ്പ് മരിച്ചു. തുടര്‍ന്ന് കഴിഞ്ഞ കുറച്ച് മാസങ്ങളായി കുട്ടിയുടെ അമ്മ ദിനേഷുമായി അടുപ്പത്തിലായിരുന്നു. എന്നാല്‍ ഈ ബന്ധം കുട്ടിക്ക് താല്‍പര്യം ഉണ്ടായിരുന്നില്ല. പലതവണ കുട്ടി അമ്മയോട് ബന്ധം ഉപേക്ഷിക്കണമെന്ന് ആവശ്യപ്പെട്ടു. ദിനേഷിനെയും ഇക്കാര്യം പറഞ്ഞ് പലവട്ടം ഭീഷണിപ്പെടുത്തി. തുടര്‍ന്ന് ദിനേഷ് ബന്ധം അവസാനിപ്പിക്കാന്‍ തയ്യാറായി.
എന്നാല്‍ തിങ്കളാഴ്ച രാത്രി സഹോദരിയുടെ വീട്ടില്‍ പോയ 15കാരന്റെ അമ്മയെ ദിനേഷ് പിന്തുടര്‍ന്നു. ഇത് മനസിലാക്കിയ 15കാരന്‍ സുഹൃത്തിന്റെ സഹായത്തോടെ ദിനേഷിനെ കുത്തി പരുക്കേല്‍പ്പിക്കുകയായിരുന്നെന്ന് പോലീസ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha