ഇനി കേരളം വിട്ടാല് കോള് എടുക്കാന് പേടി വേണ്ട: ഇന്നുമുതല് ബിഎസ്എന്എല്ലില് രാജ്യവ്യാപക സൗജന്യ റോമിങ്
വിണ്ടും വിപ്ലവ തീരുമാനങ്ങളുമായി ബിഎസ്എന് എല്. വിട്ടു പോയ ഉപഭോക്താക്കളെ തിരിച്ചുപിടിക്കാനും കമ്പനിക്ക് പുതിയ മുന്നേറ്റം ഉണ്ടാക്കാനുമായി രാജ്യവ്യാപക സൗജന്യ റോമിങ്ങുമായി ബിഎസ്എന് എല്.
റോമിംഗിലുള്ള ബി.എസ്.എന്.എല് മൊബൈല് ഉപഭോക്താക്കള്ക്ക് ഇന്കമിങ് കോളുകള്ക്ക് കാശ് പോകില്ല. മറ്റു സംസ്ഥാനങ്ങളില് പൊകുന്ന ബി.എസ്.എന്.എല് ഉപഭോക്താക്കള്ക്ക് എത്ര സമയം വേണമെങ്കിലും ഇന്കമിങ് കോളില് സംസാരിക്കാം. ഇന്ത്യയിലുടനീളം ഒരേ മൊബൈല് നമ്പര് ഉപയോഗിക്കാന് ഉപഭോക്താക്കള്ക്ക് സൗകര്യം നല്കുന്ന പരിശ്രമങ്ങളുടെ ആദ്യ പടിയെന്നാണ് ബി.എസ്.എന്.എല് പറയുന്നത്. ഇതുവരെ ഇന്കമിങ്ങ് കോളിനെ പേടിച്ചിരുന്നവര്ക്ക് ഇനി ആ പേടി വേണ്ട.
നിലവില് 150 കോടി രൂപയാണ് റോമിങ് നിരക്കുകളിലൂടെ ബി.എസ്.എന്.എല്ലിന് ലഭിക്കുന്നതെന്ന് ബി.എസ്.എന്.എല് ചെയര്മാന് അനുപം ശ്രീവാസ്തവ പറഞ്ഞു. സൗജന്യ റോമിങ് നടപ്പാക്കുന്നത് ഇത് നഷ്ടപ്പെടുത്തുമെങ്കിലും പുതിയ ഉപഭോക്താക്കളെ ആകര്ഷിക്കാന് കഴിയുമെന്ന് അദ്ദേഹം ചൂണ്ടിക്കാട്ടി. രാജ്യവ്യാപകമായി നമ്പര് പോര്ട്ടബിളിറ്റി സംവിധാനം കൂടി വരുന്നതോടെ കൂടുതല് ഉപഭോക്താക്കളുടെ എണ്ണം കൂടുമെന്ന് ബി.എസ്.എന്.എല് കരുതുന്നത്.
2011 ജനുവരില് മൊബൈല് നമ്പര് പോര്ട്ടബിളിറ്റി സംവിധാനം നിലവില് വന്നത് മുതല് ഇതുവരെ 150 ദശലക്ഷം ഉപഭോക്താക്കള് ഇത് ഉപയോഗപ്പെടുത്തിയെന്നാണ് ട്രായയുടെ കണക്കുകള് പറയുന്നത്. കഴിഞ്ഞവര്ഷം മാത്രം 47 ലക്ഷം പുതിയ ഉപഭോക്താക്കളാണ് ബി.എസ്.എന്.എല്ലിന് ലഭിച്ചത്.
പുതിയ തീരുമാനം വഴി ലാഭത്തിന്റെ പുതു ചരിത്രം രചിക്കാമെന്നും കമ്പനി പ്രതീക്ഷിക്കുന്നു. നിലവില്, 7.72 കോടി മൊബൈല് ഉപഭോക്താക്കളാണ് ബി.എസ്.എന്.എലിന് രാജ്യത്തുള്ളത്. ലാന്ഡ് ഫോണ് ഉപഭോക്താക്കളെ തിരിച്ചു പിടിക്കാനായി രാത്രി ഒമ്പത് മുതല് പുലര്ച്ചെ ഏഴ് വരെ ഏത് നമ്പറിലേക്കും \'അണ്ലിമിറ്റഡ്\' സൗജന്യ കോളിങ് ബി.എസ്.എന്.എല് അനുവദിച്ചിട്ടുണ്ട്.
രാജ്യത്ത് റോമിങ് സൗജന്യമാക്കുമെന്ന് കഴിഞ്ഞ സര്ക്കാര് കാലത്ത് തന്നെ പ്രഖ്യാപിച്ചിരുന്നെങ്കിലും സ്വകാര്യ ഓപ്പറേറ്റര്മാരുടെ എതിര്പ്പിനെ തുടര്ന്ന് നടപ്പാക്കാനായിരുന്നില്ല. ട്രായ് നിര്ദ്ദേശ പ്രകാരം കഴിഞ്ഞമാസം ബി.എസ്.എന്.എല്ലിന് പുറമേ എയര്ടെല്, വോഡഫോണ്, ഐഡിയ തുടങ്ങിയ കമ്പനികള് റോമിങ് നിരക്ക് 20 മുതല് 40 ശതമാനം വരെ കുറച്ചിരുന്നു. റോമിങ് ചാര്ജ്ജ് മിനിമം തുകയിലേക്ക് കുറയ്ക്കാന് ഈ മാസമാദ്യം വൊഡാഫോണും റിലയന്സും തീരുമാനിച്ചിരുന്നു.കഴിഞ്ഞ മാസം ബിഎസ്എല്എല് റോമിങ് നിരക്ക് 40 ശതമാനം വെട്ടിക്കുറച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha