പുതിയ വിവാദവുമായി സാക്ഷി മഹാരാജ് രംഗത്ത്, പ്രവാചകന് മുഹമ്മദ് മഹാനായ യോഗിയും താന് യഥാര്ത്ഥ മുസ്ലീമുമാണെന്ന് സാക്ഷി
വീണ്ടും പുതിയ വിവാദവുമായി ബി.ജെ.പി എം.പി സാക്ഷി മഹാരാജ് രംഗത്തെത്തി. താനൊരു യഥാര്ത്ഥ മുസ്ലീമാണെന്നാണ് സാക്ഷി മഹാരാജ് വ്യക്തമാക്കിയിരിക്കുന്നത്. കൂടാതെ മുഹമ്മദ് യോഗയുടെ പരിശീലകനാണെന്നും അദ്ദേഹം പറഞ്ഞു. ന്യൂഡല്ഹിയിലെ ഒരു പൊതു ചടങ്ങില് സംസാരിക്കവെയാണ് സാക്ഷി മഹാരാജ് പുതിയ വിവാദത്തിന് തുടക്കമിട്ടിരിക്കുന്നത്.
ഇസ്ലാമിലെ ഏറ്റനും വലിയ പേര് മുഹമ്മദിന്റെതാണെന്നും മുഹമ്മദ് സാബ് വലിയൊരു യോഗിയാണെന്നാണ് താന് കരുതുന്നതെന്നും മഹാരാജ് പറഞ്ഞു. താനുമൊരു യഥാര്ത്ഥ മുസല്മാനാണ്. സൂര്യനില്ലെങ്കില് നിങ്ങളും ഞാനും എല്ലാം അന്ധരാകുമെന്നും സൂര്യനെ വര്ഗീയമെന്ന് വിളിക്കുന്നവര് അതിന്റെ വെളിച്ചം എടുക്കുന്നത് നിര്ത്തണമെന്ന് സൂര്യ നമസ്കാരത്തെ എതിര്ക്കുന്നവരോട് മഹാരാജ് പറഞ്ഞു. യോഗാ ദിനത്തില് സൂര്യ നമസ്കാരം നടത്തുന്നതിനെ ചൊല്ലി ദിവസങ്ങളായി തര്ക്കം നടന്നു വരുന്നതിനിടെയാണ് പുതിയ സംഭവം.
മുസ്ലീം സംഘടനകള് എതിര്പ്പുമായി രംഗത്തെത്തിയതോടെ അന്താരാഷ്ട്ര യോഗ ദിനത്തോടനുബന്ധിച്ച് രാജ്യത്താകമാനമുള്ള ജനങ്ങള് ചെയ്യാനിരുന്ന യോഗാസനങ്ങളില് നിന്നും സൂര്യനമസ്കാരം കേന്ദ്ര സര്ക്കാര് ഒഴിവാക്കിയിരുന്നു. ഇതേ തുടര്ന്ന് സൂര്യനമസ്കാരത്തെ എതിര്ക്കുന്നവര് ഇന്ത്യ വിട്ടു പോവുകയോ സ്വയം കടലില് ചാടുകയോ ചെയ്യണമെന്ന ഗോരഖ്പൂരില് നിന്നുള്ള ബി.ജെ.പി എം.പി യോഗി ആദിത്യനാഥ് നടത്തിയ പ്രസ്താവന വിവാദമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha