ഹിന്ദു സമൂഹം എസ്എന്ഡിപിക്കൊപ്പമാണെന്ന് പ്രവീണ് തൊഗാഡിയ, പരാമര്ശം പിന്വലിച്ച് ബിഷപ് മാപ്പുപറഞ്ഞത് നന്നായി
ഇടുക്കി ബിഷപ്പിന്റെ വിവാദ പരാമര്ശത്തില് തുറന്നടിച്ച് വിശ്വഹിന്ദു പരിഷത്ത് നേതാവ് പ്രവീണ് തൊഗാഡിയ രംഗത്തെത്തി. ഹിന്ദു സമൂഹം എസ്എന്ഡിപിക്കൊപ്പമാണെന്ന് പ്രവീണ് തൊഗാഡിയ പറഞ്ഞു. ഇന്ത്യയിലെ ഹിന്ദുക്കള് എസ്എന്ഡിപിക്കൊപ്പമാണ്. പരാമര്ശം പിന്വലിച്ച് ബിഷപ് മാപ്പുപറഞ്ഞത് നന്നായെന്നും തൊഗാഡിയ പറഞ്ഞു.
പാസ്റ്ററല് കൗണ്സില് യോഗത്തില് വച്ചാണ് ഇടുക്കി രൂപതാധ്യക്ഷന് മാര് മാത്യു ആനിക്കുഴിക്കാട്ടില് വിവാദപരാമര്ശം നടത്തിയത്. മിശ്രവിവാഹം വിശ്വാസത്തിന് എതിരാണ്.സര്ക്കാര് പ്രോത്സാഹിപ്പിക്കുന്നുണ്ടെങ്കിലും വിശ്വാസികള് എന്ന നിലയില് മിശ്രവിവാഹത്തെ എതിര്ക്കേണ്ടതാണ്. ലൗജിഹാദും എസ്.എന്.ഡി.പിയുടെ ഗൂഢലക്ഷ്യങ്ങളും ക്രിസ്ത്യന് പെണ്കുട്ടികളെ വഴിതെറ്റിക്കുകയാണ്. മറ്റ് മതസ്ഥരായ യുവാക്കള് പ്രണയം നടിക്കുകയും സഭാ വിശ്വാസികളായ പെണ്കുട്ടികള് അവരോടൊപ്പം വീട്ടില് നിന്ന് ഇറങ്ങിപ്പോകുകയും ചെയ്യുന്ന സംഭവങ്ങള് ഏറിവരുകയാണ് എന്നുമായിരുന്നു പരാമര്ശം.
ഇതിനെതിരെ എസ്എന്ഡിപി യോഗം ജനറല് സെക്രട്ടറി വെളളാപ്പളളി നടേശന് രൂക്ഷമായി പ്രതികരിച്ചിരുന്നു. മാത്യു ആനിക്കുഴിക്കാട്ടിലിനെ വിഷം കുത്തുന്ന വര്ഗീയവാദിയെന്നും വെളളാപ്പളളി കുറ്റപ്പെടുത്തി. പരാമര്ശത്തിനെതിരെ കടുത്ത പ്രതിഷേധ പരിപാടികളും എസ്എന്ഡിപി ആസൂത്രണം ചെയ്തിരുന്നുവെങ്കിലും കാഞ്ഞിരപ്പളളി ബിഷപ്പ് അനുരഞ്ജനത്തിനെത്തുകയും ഇടുക്കി ബിഷപ് ഖേദപ്രകടനം നടത്തുകയും ചെയ്തതോടെ വിവാദം അവസാനിക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha