ആസാമില്‍ കനത്ത മഴയെത്തുടര്‍ന്ന് നദികള്‍ കരകവിഞ്ഞൊഴുകിയതിനെ തുടര്‍ന്നു വന്‍ കൃഷിനാശം. വെള്ളപ്പൊക്കം 11 ജില്ലകളിലായി രണ്ടു ലക്ഷത്തോളം ആളുകളെ ദോഷകരമായി ബാധിച്ചു. റോഡുകളും പാലങ്ങളും വെള്ളത്തിനടയിലായി. ഇതോടെ പത്തോളം ദുരിതാശ്വാസ ക്യാംപുകള്‍ സംസ്ഥാനത്തുടനീളം ആരംഭിക്കുകയും 1,700 ആളുകളെ മാറ്റിപ്പാര്‍പ്പിക്കുകയും ചെയ്തു. ഇവയക്കു പുറമെ 9000ത്തോളം ഏക്കര്‍ സ്ഥലത്ത് പൂര്‍ണമായും കൃഷിനാശം സംഭവിച്ചു.
സംസ്ഥാന സര്‍ക്കാര്‍ ദൂരിതാശ്വാസ പ്രവര്‍ത്തനം കാര്യക്ഷമമാക്കി. എന്നാല്‍ സംസ്ഥാനത്തെ സാഹചര്യം നീയന്ത്രണാതീതമാണെന്നും വെള്ളപ്പൊക്കം മുന്‍ വര്‍ഷങ്ങളിലേക്കാള്‍ ശക്തിയേറിയതാണെന്നും നാലു ലക്ഷത്തോളം ആളുകള്‍ക്ക് വീടു നഷ്ടപ്പെട്ടതായുമാണ് സ്ഥിരീകരിക്കാത്ത കണക്ക്.