കേന്ദ്ര സര്‍ക്കാരിനെതിരെ ആഞ്ഞടിച്ച് മുന്‍ധനമന്ത്രി പി ചിദംബരം രംഗത്തെത്തി. മാനുഷി ക പരിഗണനയുടെ പേരിലാണ് ലളിത് മോഡിയെ സുഷമ സ്വരാജ് സഹായിച്ചതെങ്കില്‍ ബ്രിട്ടനിലെ ഇന്ത്യന്‍ ഹൈക്കമ്മിഷന്റെ അടുത്തേക്കാണ് അദ്ദേഹത്തെ പറഞ്ഞയയ്‌ക്കേണ്ടിയിരുന്നതെന്ന് മുന്‍ ധനമന്ത്രി പി. ചിദംബരം പറഞ്ഞു. യാത്രാനുമതി ആവശ്യപ്പെട്ട് ഇന്ത്യന്‍ ഹൈക്കമിഷനില്‍ അപേക്ഷ സമര്‍പ്പിക്കാന്‍ സുഷമ, മോഡിയോട് ആവശ്യപ്പെട്ടില്ല. മാത്രമല്ല മോഡിയോട് ഇന്ത്യയിലേക്ക് തിരിച്ചുവരാന്‍ സുഷമ നിര്‍ബന്ധിക്കാതിരുന്നത് എന്തുകൊണ്ടാണെന്നും ചിദംബരം ചോദിച്ചു. സുഷമ സ്വരാജുമായി ബന്ധപ്പെട്ട വിവാദത്തിന്റെ പൂര്‍ണ ഉത്തരവാദിത്തം പ്രധാനമന്ത്രി നരേന്ദ്ര മോഡി ഏറ്റെടുക്കണമെന്നും ചിദംബരം ആവശ്യപ്പെട്ടു.
ഡല്‍ഹി ഹൈക്കോടതി ലളിത് മോദിയുടെ പാസ്‌പോര്‍ട്ട് കണ്ടുകെട്ടിയ യുപിഎ സര്‍ക്കാരിന്റെ നടപടി റദ്ദാക്കി പാസ്‌പോര്‍ട്ട് മടക്കി നല്‍കാന്‍ ഉത്തരവിട്ടിരുന്നു. ഇതിനെതിരെ സുപ്രീംകോടതിയെ സര്‍ക്കാര്‍ സമീപിക്കാതിരുന്നത് എന്തുകൊണ്ടാണ്? മോദിക്ക് പുതിയ പാസ്‌പോര്‍ട്ട് അനുവദിക്കാന്‍ ഉത്തരവിട്ടത് ആരാണെന്ന് ജനങ്ങളെ അറിയിക്കണമെന്നും ചിദംബരം പറഞ്ഞു.
താന്‍ ധനമന്ത്രിയായിരുന്ന സമയത്ത് ലളിത് മോദിയെ ഇന്ത്യയിലേക്കു വിട്ടുകിട്ടാനായി രണ്ടു തവണ ബ്രിട്ടിഷ് സര്‍ക്കാരിനു കത്തെഴുതിയിരുന്നു. ഇന്ത്യയില്‍ വിചാരണ നേരിടുന്ന ലളിത് മോദിക്ക് യുകെയില്‍ താമസിക്കാന്‍ ഒരു അവകാശവുമില്ല. അദ്ദേഹത്തെ എത്രയും പെട്ടെന്ന് ഇന്ത്യയിലേക്ക് മടക്കി അയയ്ക്കണമെന്നും കത്തില്‍ ആവശ്യപ്പെട്ടിരുന്നു. ഈ കത്തുകള്‍ ബിജെപി സര്‍ക്കാര്‍ പരസ്യപ്പെടുത്തണമെന്നും ചിദംബരം ആവശ്യപ്പെട്ടു.
എന്നാല്‍ നിയമവിരുദ്ധമായി തന്റെ പാസ്‌പോര്‍ട്ട് റദ്ദാക്കിയത് മുന്‍ ധനമന്ത്രി പി. ചിദംബരമാണെന്ന് ലളിത് മോഡി രംഗത്തെത്തി. ഹൈക്കോടതിയാണ് തനിക്ക് പാസ്‌പോര്‍ട്ട് തിരികെ നല്‍കാന്‍ യുപിഎ സര്‍ക്കാരിനോട് നിര്‍ദേശിച്ചതെന്നും മോഡി തന്റെ ട്വിറ്റര്‍ പേജിലൂടെയാണ് ഇക്കാര്യം വ്യക്തമാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha