ബിഹാര്‍ നിയമസഭ തെരഞ്ഞടുപ്പില്‍ മുഖ്യമന്ത്രി സ്ഥാനാര്‍ഥിയെ പ്രഖ്യാപിക്കാത്ത ബിജെപിക്ക് ആര്‍ജെഡി അധ്യക്ഷന്‍ ലാലു പ്രസാദ് യാദവിന്റെ പരിഹാസം. രാജ്യത്തെ ഏറ്റവും വലിയ പാര്‍ട്ടി എന്ന് അവകാശപ്പെടുന്ന ബിജെപിക്ക് ഒരു നിയമസഭാ തെരഞ്ഞെടുപ്പില്‍ മുഖ്യമന്ത്രി സ്ഥാനാര്‍ഥിയെ പ്രഖ്യാപിക്കാനാകുന്നില്ലെങ്കില്‍ അത് ആ പാര്‍ട്ടിയുടെ അപചയമാണെന്നായിരുന്നു ലാലുവിന്റെ പരിഹാസം. 

കഴിവുളള ഒട്ടേറെപ്പേര്‍ ബിജെപിയിലുണ്ടെന്നാണ് അവര്‍ പറയുന്നത്. എന്നാല്‍ അതില്‍ ഒരാളും മുഖ്യമന്ത്രിപദം അലങ്കരിക്കാന്‍ കഴിവുളളവരല്ല എന്നല്ലേ ജനങ്ങള്‍ മനസിലാക്കേണ്ടത് എന്നും ലാലുപ്രസാദ് ചോദിച്ചു.
ബിഹാറില്‍ നടക്കാനിരിക്കുന്ന തെരഞ്ഞെടുപ്പില്‍ ബിജെപി മുഖ്യമന്ത്രി സ്ഥാനാര്‍ഥിയെ പ്രഖ്യാപിക്കില്ലെന്നു തെരഞ്ഞെടുപ്പ് ചുമതലയുളള കേന്ദ്ര രാസവളമന്ത്രി അനന്ത്കുമാര്‍ പറഞ്ഞിരുന്നു. ബിജെപിക്കു നേതൃപാടവവും കഴിവുമുളള നിരവധി നേതാക്കളുണ്ടെന്നും അതിനാല്‍ത്തന്നെ മുഖ്യമന്ത്രി സ്ഥാനാര്‍ഥിയെ പ്രഖ്യാപിക്കേണ്ട കാര്യമില്ലെന്നുമാണ് അനന്ത് കുമാര്‍ പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha