കനത്തമഴ തുടരുന്ന മുംബൈയില്‍ ഒഴുക്കില്‍പ്പെട്ടു വിദ്യാര്‍ഥിയെ കാണാതായി. വെള്ളിയാഴ്ച രാത്രി മാന്‍ഗുഡ്ഗാവിലാണു സംഭവം. പാദ്വ സ്‌കൂള്‍ വിദ്യാര്‍ഥിയെയാണു നദിയില്‍ വീണു കാണാതായത്. രക്ഷാപ്രവര്‍ത്തകര്‍ തെരച്ചില്‍ തുടരുകയാണ്. കനത്ത മഴയെ തുടര്‍ന്ന് ഏതാനും ദിവസങ്ങളിലായി മുംബൈയില്‍ ജനജീവിതം സ്തംഭിച്ചിരിക്കുകയാണ്. രണ്ടുപേര്‍ക്കു ജീവഹാനി ഉണ്ടാകുകയും ചെയ്തു. ശക്തമായ മഴയെ തുടര്‍ന്നു നഗരത്തിന്റെ പല ഭാഗങ്ങളും വെള്ളത്തിനടിയിലാണ്. 

റോഡ്, റെയില്‍ ഗതാഗതം നിര്‍ത്തിവച്ചു, വിമാന സര്‍വീസുകള്‍ തിരിച്ചുവിടുകയും ചെയ്തു. തീരദേശ യാത്ര ഒഴിവാക്കാന്‍ ജനങ്ങള്‍ക്കു ജാഗ്രതാ നിര്‍ദേശം നല്‍കിയിട്ടുണ്ട്. താഴ്ന്ന പ്രദേശങ്ങളായ കുര്‍ള, ചെമ്പുര്‍, തിലക് നഗര്‍, അന്ധേരി, താനെ എന്നിവിടങ്ങളിലാണു മഴ കൂടുതല്‍ ദുരിതം വിതച്ചിരിക്കുന്നത്. എല്ലാ കോടതികളും താത്കാലികമായി അടച്ചിട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha