തമിഴ്‌നാട് വിദ്യാഭ്യാസവകുപ്പിനു പറ്റിയ തെറ്റേ. ഇപ്പോഴത്തെ തമിഴ്‌നാട് മുഖ്യമന്ത്രി ആരാണെന്ന് പോലും അവര്‍ക്ക് പിടിയില്ലെന്ന തോന്നുന്നത്. \'തമിഴ്‌നാട് മുഖ്യമന്ത്രി കരുണാനിധിയാണെന്നാണ് പുസ്തകത്തില്‍ അച്ചടിച്ചിരിക്കുന്നത്. ഇതിനെ തുടര്‍ന്ന് മൂന്ന് ലക്ഷം പാഠപുസ്തകങ്ങള്‍ വില്‍ക്കാന്‍ പാടില്ലെന്നാണ് സംസ്ഥാന സര്‍ക്കാരിന്റെ നിര്‍ദേശവും.
പതിനൊന്നാം ക്ലാസ്സിലെ പാഠപുസ്തകത്തിന്റെ ആമുഖത്തില്‍ ഡിഎംകെ അധ്യക്ഷന്‍ എം. കരുണാനിധിയാണ് തമിഴ്‌നാട് മുഖ്യമന്ത്രിയെന്നാണ് അച്ചടിച്ചിരിക്കുന്നത്. ജയലളിതയുടെ പേരിനു പകരം കരുണാനിധിയുടെ പേരാണ് അച്ചടിച്ചിരിക്കുന്നതെന്ന് കണ്ടെത്തിയതോടെ സാമ്പത്തികശാസ്ത്രത്തിന്റെ 2.5 ലക്ഷം പുസ്തകങ്ങളും ചരിത്രത്തിന്റെ 70,000 പുസ്തകങ്ങളും പിന്‍വലിച്ചതായാണ് റിപ്പോര്‍ട്ടുകള്‍.
അതേസമയം, അച്ചടിപ്പിഴവല്ല മുഖ്യമന്ത്രിയുടെ പേര് തെറ്റാന്‍ കാരണമെന്ന് വിദ്യാഭ്യാസവകുപ്പധികൃതര്‍ പറഞ്ഞു. 2011 ല്‍ മന്ത്രിസഭ മാറിയെങ്കിലും പുസ്തകത്തിന്റെ ആമുഖത്തില്‍ മുഖ്യമന്ത്രിയുടെ പേര് മാറ്റിയിരുന്നില്ല എന്നും കഴിഞ്ഞ നാല് വര്‍ഷമായി തുടരുന്ന പിഴവ് ഇപ്പോഴാണ് ശ്രദ്ധയില്‍പ്പെട്ടതെന്നും അധികൃതര്‍ വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha