വിശാഖപട്ടണം വിമാനത്താവളത്തില്‍ വന്‍ സ്വര്‍ണവേട്ട. നൂറോളം യാത്രക്കാരില്‍ നിന്നായി 55 കിലോ ഗ്രാം സ്വര്‍ണം കസ്റ്റംസ് പിടിച്ചെടുത്തു. മൈക്രോവേവ് ഓവന്‍ അടക്കമുള്ള ഇലക്ട്രോണിക് ഉപകരണങ്ങള്‍ക്കുള്ളില്‍ ഒളിപ്പിച്ച് കടത്തുകയായിരുന്ന സ്വര്‍ണമാണ് കസ്റ്റംസ് പിടികൂടിയത്. സിംഗപ്പൂരില്‍ നിന്നും ക്വലാലംപൂരില്‍ നിന്നും മൂന്ന് വിമാനങ്ങളിലായി എത്തിയ യാത്രക്കാരില്‍ നിന്നാണ് ഇവ പിടിച്ചെടുത്തത്.
സംഭവത്തില്‍ നൂറ് യാത്രക്കാരെ കസ്റ്റംസ് പിടികൂടി. തമിഴ്‌നാട്ടില്‍ നിന്നുള്ളവരാണ് അറസ്റ്റിലായവരിലേറെയും. പുരഷന്മാരും സ്ത്രീകളുമടങ്ങുന്ന സംഘമാണ് പിടിയിലായത്. ഇവരെ കൂടുതല്‍ അന്വേഷണത്തിന്റെ ഭാഗമായി കസ്റ്റംസ് ചോദ്യം ചെയ്തുവരികയാണ്. ഡിവിഡി പ്‌ളെയര്‍, ആംപഌഫയര്‍ തുടങ്ങിയ ഉപകരണങ്ങളില്‍ ഒളിപ്പിച്ചാണ് സ്വര്‍ണം കടത്തിയത്. ചെന്നൈയില്‍ നിന്നുള്ള വിവരത്തിന്റെ അടിസ്ഥാനത്തില്‍ ആണ് കസ്റ്റംസ് പരിശോധന ശക്തമാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha