ന്യൂസിലന്‍ഡിലെ ഇന്ത്യന്‍ ഹൈക്കമ്മീഷണര്‍ രവി ഥാപ്പറിനെ കേന്ദ്രസര്‍ക്കാര്‍ തിരിച്ചു വിളിച്ചു. രവി ഥാപ്പറിന്റെ ഭാര്യ ശര്‍മ്മിള ഥാപ്പര്‍ വീട്ടു ജോലിക്കാരനെ മര്‍ദിച്ചു എന്ന ആരോപണത്തെ തുടര്‍ന്നാണ് നടപടി.

ന്യൂസിലന്‍ഡ് പോലീസിന്റെ റിപ്പോര്‍ട്ടിനെ തുടര്‍ന്നാണ് വിദേശകാര്യമന്ത്രാലയം ഥാപ്പറിനെ തിരിച്ചു വിളിച്ചത്.കഴിഞ്ഞമാസം രവി ഥാപ്പറിന്റെ പാചകക്കാരനെ വെല്ലിംഗ്ടണ്‍ തെരുവിലൂടെ അലഞ്ഞു തിരിഞ്ഞ് നടക്കുന്നതിനിടെ നാട്ടുകാരാണ് പിടികൂടി പോലീസില്‍ ഏല്‍പ്പിച്ചത്.

പിന്നീട് പോലീസ് ചോദ്യം ചെയ്തപ്പോഴാണ് സംഭവം പുറത്തറിയുന്നത്. ഹൈക്കമ്മീഷണറുടെ ഭാര്യ തന്നെ മര്‍ദ്ദിക്കാറുണ്ടെന്ന് ഇയാള്‍ പോലീസിനോട് വെളിപ്പെടുത്തുകയായിരുന്നു.

ആരോപണം ഉന്നയിച്ച വ്യക്തി കേസ് കൊടുത്തിട്ടില്ലെങ്കിലും സംഭവം മന്ത്രാലയം വിശദമായി അന്വേഷിക്കുമെന്ന് വിദേശകാര്യമന്ത്രാലയ വക്താവ് വികാസ് സ്വരൂപ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha