കഴിഞ്ഞ വര്‍ഷത്തെ പ്രളയക്കെടുതികള്‍ക്കിടയില്‍ കാശ്മീരില്‍ നടത്തിയ രക്ഷാപ്രവര്‍ത്തനങ്ങള്‍ക്ക് കേന്ദ്രപ്രതിരോധമന്ത്രാലയം 500 കോടി രൂപ ബില്ല് ചുമത്തിയതായി റിപ്പോര്‍ട്ടുകള്‍. ജമ്മു കാശ്മീരിന് അനുവദിച്ച 1,602 കോടി രൂപയുടെ സംസ്ഥാന ദുരിതാശ്വാസ ഫണ്ടില്‍ നിന്നാണ് കേന്ദ്രം ഈ തുക ഈടാക്കിയത്.

കഴിഞ്ഞ സെപ്റ്റംബറില്‍ 300ഓളം പേരുടെ മരണത്തിനു കാരണമായ ദുരന്തത്തില്‍ 1.5 മില്ല്യണ്‍ ജനങ്ങളാണ് ബാധിക്കപ്പെട്ടത്. ഓപ്പറേഷന്‍ മേഘ് രാഹത്തിലൂടെ സായുധ സേന വിനോദസഞ്ചാരികളടക്കം രണ്ടു ലക്ഷത്തോളം ആളുകളെ രക്ഷപ്പെടുത്തുകയും ഭക്ഷണവും കുടിവെള്ളവും മരുന്നുകളുമടക്കമുള്ള അവശ്യവസ്തുക്കളുടെ വിതരണവും നടത്തിയിരുന്നു.

ഇത്തരം സേവനങ്ങള്‍ക്കായാണ് മന്ത്രാലയം കനത്ത തുകയുടെ ബില്ല് തയ്യാറാക്കിയത്. കഴിഞ്ഞ ഫെബ്രുവരി ആറിനാണ് ആഭ്യന്തര മന്ത്രാലയത്തില്‍ നിന്ന് കേന്ദ്രസഹായത്തെ സംബന്ധിക്കുന്ന കത്ത് സംസ്ഥാന സര്‍ക്കാരിന് ലഭിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha