മര്യാദ പഠിപ്പിക്കാന് പ്രിന്സിപ്പാള് വിദ്യാര്ത്ഥികളുടെ തല മൊട്ടയടിപ്പിച്ചു
മര്യാദ പഠിപ്പിക്കാനായി പല പല വിദ്യകള്. മര്യാദ പഠിപ്പിക്കാനായി വിദ്യാര്ത്ഥികളുടെ തല മൊട്ടയടിക്കാന് പ്രിന്സിപ്പാള് നിര്ദേശം നല്കി. 25 കുട്ടികളുടെ തലയാണ് ഇത്തരത്തില് മൊട്ടയടിച്ചത്. തിങ്കളാഴ്ചയാണ് സംഭവം.
സഹസ്ത്രധരാ റോഡിലുള്ള ഒരു സ്കൂളിലെ 10, 11, 12 ക്ലാസുകളിലെ വിദ്യാര്ത്ഥികളുടെ തലയാണ് പ്രിന്സിപ്പാളിന്റെ നിര്ദേശ പ്രകാരം മൊട്ടയടിച്ചത്. തിങ്കളാഴ്ച സ്കൂള് അസംബ്ലിക്ക് ശേഷം കാത്തുനിന്ന ബാര്ബര്മാരുടെ അടുത്തേക്ക് കുട്ടികളെ പ്രിന്സിപ്പാള് പറഞ്ഞു വിടുകയായിരുന്നു.
തുടര്ന്ന് ഇത് മറ്റുള്ള വിദ്യാര്ത്ഥികള്ക്കുള്ള താക്കീത് കൂടിയാണെന്ന് പ്രിന്സിപ്പാള് പറയുകയും ചെയ്തു. സ്കൂളിലെ ചിലകുട്ടികളുടെ മുടി വികൃതമായ രീതിയിലാണ് വെട്ടിവച്ചിരിക്കുന്നതെന്നും ചിലര് മുടി വെട്ടാറെ ഇല്ലെന്നും പ്രിന്സിപ്പാള് പറഞ്ഞു. ഇതു സംബന്ധിച്ച് താന് കുട്ടികളുമായി സംസാരിച്ചെന്നും എന്നാല് സ്കൂളിന്റെ മര്യാദകള്ക്ക് അനുസരിച്ച് വൃത്തിയായി മുടിവെട്ടാന് ഇവര് തയ്യാറായില്ല. ഇതിനെ തുടര്ന്നാണ് കുട്ടികളുടെ തല മൊട്ടയടിക്കാന് താന് നിര്ദ്ദേശം നല്കിയതെന്നും അദ്ദേഹം പറഞ്ഞു.
അതേസമയം സംഭവങ്ങള് വിവാദങ്ങള്ക്ക് വഴിവച്ചിട്ടുണ്ട്. ചില കുട്ടികളുടെ മാതാപിതാക്കള് പ്രതിഷേധവുമായി രംഗത്തെത്തിയിട്ടുണ്ട്. പ്രിന്സിപ്പാളിന്റെ നിലപാട് കുട്ടികള്ക്ക് സങ്കടം മാത്രമാണ് ഉണ്ടാക്കിയത്. ചിലര് വീടിന് വെളിയില് ഇറങ്ങാന് പോലും കൂട്ടാക്കുന്നില്ലെന്ന് റിപ്പോര്ട്ടുകളുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
