ഓണ്ലൈന് ക്ലാസിനിടെ പെണ്കുട്ടികളുടെ നേര്ക്ക് ലൈംഗികാതിക്രമം; 59കാരനായ അധ്യാപകൻ അറസ്റ്റിൽ; അധ്യാപകനെ സസ്പെന്ഡ് ചെയ്ത് സ്കൂൾ അധികൃതർ
ഓണ്ലൈന് ക്ലാസിനിടെ പെണ്കുട്ടികളുടെ നേര്ക്ക് ലൈംഗികാതിക്രമം കാണിച്ച അധ്യാപകനെ അറസ്റ്റ് ചെയ്തു. കെ.കെ. നഗറിലെ പദ്മ ശേശാദ്രി ബാല വിദ്യാ ഭവന് സ്കൂളിലെ കോമേഴ്സ് അധ്യാപകനായ രാജഗോപാലിനെതിരെയാണ് പോക്സോ നിയമപ്രകാരം അറസ്റ്റ് ചെയ്തത്. 59കാരനായ ഇയാളെ സസ്പെന്ഡ് ചെയ്തിരിക്കുകയാണ്.
അധ്യാപകനെതിരെ നിരവധി പരാതികള് ഉയര്ന്നിട്ടും സ്കൂളധികൃതര് സംരക്ഷിച്ചു നിര്ത്തുകയായിരുന്നു എന്ന് ആരോപണമുയര്ന്നിരുന്നു. പൂര്വ്വ വിദ്യാര്ത്ഥികള് ഉള്പ്പെടെ പരാതിയുമായി ഓണ്ലൈന് ക്യാമ്ബയിന് ആരംഭിച്ചതോടെയാണ് സര്ക്കാര് അന്വേഷണത്തിന് ഉത്തരവിട്ടത്.
പലപ്പോഴും തോര്ത്ത് മാത്രം ഉടുത്തായിരുന്നു അധ്യാപകന് ഓണ്ലൈന് ക്ലാസുകളില് പ്രത്യക്ഷപ്പെട്ടിരുന്നത്. വിദ്യാര്ഥിനികള്ക്ക് ലൈംഗികചുവയോടെ സന്ദേശങ്ങളും അയച്ചിരുന്നു. ഇവയുടെ ദൃശ്യങ്ങള് വിദ്യാര്ഥിനികള് സമൂഹമാധ്യമങ്ങളില് പങ്കുവെച്ചിട്ടുണ്ട്.
നിരവധിതവണ സ്കൂള് അധികൃതരോട് പരാതിപ്പെട്ടിട്ടും നടപടി ഇല്ലാതായതോടെയാണ് ഓണ്ലൈന് ക്യാമ്ബയിന് ആരംഭിക്കാന് വിദ്യാര്ത്ഥികള് തീരുമാനിച്ചത്. പൂര്വ്വ വിദ്യാര്ത്ഥികളും പരാതിയുമായി രംഗത്തെത്തുകയായിരുന്നു. 20 വര്ഷമായി അധ്യാപകന് ഈ സ്കൂളിലുണ്ട്.
നിരവധി വിദ്യാര്ഥിനികള്ക്കെതിരെ ഇയാള് ലൈംഗികാതിക്രമം കാട്ടിയിട്ടുണ്ടെന്നും പരാതിപ്പെട്ടാല് മാര്ക്ക് കുറയ്ക്കുമെന്ന് ഭീഷണിപ്പെടുത്തുകയായിരുന്നുവെന്നും പൂര്വവിദ്യാര്ത്ഥികള് പ്രസ്താവനയില് പറഞ്ഞു. തമിഴ് സിനിമ മേഖലയില് മീ ടൂ കാമ്ബയിനിെന്റ മുന്നിരയിലുണ്ടായിരുന്ന ഗായിക ചിന്മയി സംഭവത്തിെന്റ സ്ക്രീന് ഷോട്ടുകള് പങ്കുവെച്ചിരുന്നു.
സംഭവം ശ്രദ്ധയില്പ്പെട്ടതോടെ ഡി.എം.കെ എം.പി കനിമൊഴി ഇടപെട്ടു. അധ്യാപകനെതിരെയും ഇദ്ദേഹത്തിന് കൂട്ടുനിന്ന സ്കൂള് അധികൃതര്ക്കെതിരെയും നടപടിയെടുക്കുമെന്ന് എം.പി വ്യക്തമാക്കി. ഇതിന് പിന്നാലെയാണ് സ്കൂള് ഇയാളെ സസ്പെന്ഡ് ചെയ്ത് വിവരം പൊലീസിനെ അറിയിച്ചത്.
https://www.facebook.com/Malayalivartha
